Language Switcher

V2025

මෛත්‍රීට හා දයාසිරිට අතුරු තහනම් නියෝගයක්

ශ්‍රී ලංකා නිදහස් පක්ෂයේ සභාපති හිටපු ජනාධිපති මෛත්‍රීපාල සිරිසේන සහ පක්ෂ මහලේකම් දයාසිරි ජයසේකර යන අයට එරෙහිව බස්නාහිර පළාත් සිවිල් අභියාචනා මහාධිකරණය විසින් අද (01) අතුරු තහනම් නියෝගයක් නිකුත් කර තිබේ.

ඒ, නිමල් සිරිපාල ද සිල්වා ශ්‍රී ලංකා නිදහස් පක්ෂයේ දරන තනතුරුවලින් ඉවත් කිරීම වළක්වාලමින්ය.

අමාත්‍ය නිමල් සිරිපාල ද සිල්වා, ශ්‍රී ලංකා නිදහස් පක්ෂයේ ජ්‍යේෂ්ඨ උපසභාපති තනතුරෙන් හා සෙසු තනතුරුවලින් ඉවත් කිරීමට පක්ෂයේ නායක මෛත්‍රීපාල සිරිසේන  මීට පෙර තීරණය කර තිබුණි.

එම තීරණය අභියෝගයට ලක් කරමින් කොළඹ පළාත්බද අභියාචනාධිකරණය වෙත නිමල් සිරිපාල ද සිල්වා  විසින් අභියාචනයක් ඉදිරිපත් කළ අතර, එම අභියාචනයට අවසර ලබා දෙමින් අධිකරණය විසින් අතුරු තහනම් නියෝගයක් නිකුත් කර ඇත.