අද (පෙබ. 16) සිට අඛණ්ඩව විදුලිය ලබා දෙන බව විදුලි බල හා බලශක්ති අමාත්ය කාංචන විජේසේකර පවසයි.
අමාත්යවරයා මේ බව පැවසුවේ, අද අමාත්යාංශයේ පැවති විශේෂ මාධ්ය හමුවකට එක්වෙමිනි.
ගල් අඟුරු මිල දී ගැනීම සඳහා ලංකා බැංකුව රුපියල් බිලියන 22ක් සහ මහජන බැංකුව රුපියල් බිලියන 50ක ණය මුදලක් විදුලි බල මණ්ඩලයට ලබා දීමට කැමැත්ත පළ කර ඇති බව ද අමාත්යවරයා එහිදී සඳහන් කළේ ය.
මෙම විදුලි ගාස්තු සංශෝධනය සිදු කරනු ලැබුවේ අඛණ්ඩව විදුලිය උත්පාදනය කිරීම සඳහා වැය වන වියදම පියවා ගැනීම සඳහා පමණක් බව අමාත්යවරයා පැවසීය.
එමෙන් ම, ජනාධිපතිවරයාගේ උපදෙස් පරිදි අඩු ආදායම්ලාභී සහ අඩුවෙන් විදුලිය පරිභෝජනය කරන පිරිස් සඳහා ඉදිරියේදී සහන ලබා දීමට සහ ආගමික සිද්ධස්ථාන සහ රජයේ අධ්යාපන ආයතනය සඳහා සූර්ය පැනල ලබා දීමට කටයුතු කරන බව ද අමාත්යවරයා වැඩිදුරටත් සඳහන් කළේ ය.
නව විදුලි ගාස්තු සංශෝධනය අද සිට ක්රියාත්මක කෙරෙනු ඇත.
