අද(23) අලුයම මෙරටට පැමිණීමට නියමිතව තිබූ පෙට්‍රල් 92 මෙට්‍රික් ටොන් 40,000ක් රැගත් ඉන්ධන ප්‍රවාහන නෞකාව එක් දිනකින් ප්‍රමාද වී ඇති බව බලශක්ති අමාත්‍ය කාංචන විජේසේකර පවසයි.
සිය ට්වීටර් ගිනුමේ සටහනක් තබමින් අමාත්‍යවරයා සඳහන් කරන්නේ අද (23) සහ හෙට (24) දිවයින පුරා සීමිත පෙට්‍රල් ප්‍රමාණයක් බෙදා හරින බවය.
එසේම අමාත්‍යවරයා පවසන්නේ ඔටෝ ඩීසල් දිවයින පුරා උපරිම ධාරිතාවයෙන් බෙදාහැරෙන අතර සුපර් ඩීසල් සීමිත බෙදාහැරීමක් සිදු කෙරෙන බවය.
ඇමති කියන්නේ බොරු !
කෙසේ වුවත් සමගි ඒකාබද්ධ වෘත්තිය සමිති බලවේගය පවසන්නේ හෙට දිනයේ (24) ඉන්ධන නැවක් පැමිණෙන බවට බලශක්ති ඇමැතිවරයා කළ ප්‍රකාශය සම්පූර්ණ අසත්‍යයක් බවය.
එහි කැදවුම්කරු ආනන්ද පාලිත සදහන් කරන්නේ ඉන්ධන නැව් පැමිණෙන බවට අසත්‍ය පුවත් ප්‍රචාරය කර, ජනතාව රවටා ඔවුන්ගේ ජීවිත අනතුරේ හෙළීම වහාම නතර කරන ලෙසය.
