තවත් කොරෝනා මරණ තවත් කොරෝනා මරණ 189ක් සෞඛ්‍ය අධ්‍යක්ෂක ජනරාල්වරයා විසින් තහවුරු කර රජයේ ප්‍රවෘත්ති අධ්‍යක්ෂ ජනරාල් විසින් අද (05) නිවේදනය කර ඇත.
ඒ සමගම මෙරට කොරෝනා මරණ ගණන 10140 දක්වා ඉහළ යයි.
රජයේ ප්‍රවෘත්ති දෙපාර්තමේන්තුව නිකුත් කළ නිවේදනයට අනුව, මියගිය පිරිස අතරින් 96 දෙනෙකු පිරිමි පුද්ගලයින් වන අතර ඉතිරි 93 දෙනා කාන්තාවන් ය.
වාර්තා වූ කොරෝනා මරණ අතර වයස අවුරුදු 30ට අඩු එක් කාන්තා ආසාදිතයෙකු ද වේ.
මියගිය පිරිස අතර අවුරුදු 30 – 59 ත් අතර වයසේ පසුවන ආසාදිතයින් 34 දෙනෙකු සිටින අතර ඉතිරි ආසාදිතයින් 154 දෙනා ම වයස අවුරුදු 60 සහ එම වයස් සීමාව ඉක්ම වූ වැඩිහිටියන් ය.
අද නිකුත්කළ වාර්තාව පහත දැක්වෙයි.
