පුවත්

රටක් ලෙස අපට වැරදුණු තැන් මෙන්ම හරිගිය තැන් ද නිවැරදිව අවබෝධ කර ගැනීම සඳහා ‘Tear Drop Nation’ චිත්‍රපටය විශාල පිටුවහලක් වන බව විපක්ෂ නායක සජිත් ප්‍රේමදාස පැවසීය. ඒ තුළින් විචාරාත්මකව හා විවේචනාත්මකව සෑම දෙයක්ම ධනාත්මක හා ගුණාත්මක ලෙස ප්‍රශ්න කරමින්, ලබා දෙන පාඩම් ඉගෙන ගෙන රටක් ලෙස ඉදිරියට යා යුතු බව ද හෙතෙම සඳහන් කළේය.

සාරා කබීර් විසින් නිර්මාණය කරන ලද ‘Tear Drop Nation’ චිත්‍රපටය එළිදැක්වීමේ අවස්ථාවට එක්වෙමින් විපක්ෂ නායකවරයා මේ බව කියා සිටියේය.

එහිදී වැඩිදුරටත් අදහස් දැක්වූ විපක්ෂ නායකවරයා සඳහන් කළේ, මෙම චිත්‍රපටයේ නිෂ්පාදිකා සාරා කබීර් සිය දේශපාලන මතවාද පසෙකලා අපක්ෂපාතීව, නිර්ව්‍යාජව සහ විනිවිදභාවයෙන් යුතුව සිය නිර්මාණ කාර්යය ඉටු කර ඇති බවයි. එබැවින් මෙම චිත්‍රපටයෙන් ඉදිරිපත් කරන පාඩම් නිවැරදිව අවබෝධ කර ගනිමින්, රට ගොඩනැගීම සහ සමස්ත ජනතාව සුඛිත මුදිත කිරීම වෙනුවෙන් සැවොම කැපවිය යුතු බව ද ඔහු අවධාරණය කළේය.