පුවත්

ජාතික ඉතිරිකිරීමේ බැංකුවේ තැන්පත් කර තිබූ රුපියල් කෝටි 13 කට අධික මුදලක් සිය පෞද්ගලික පරිහරණයට ගෙන සාපරාදී සාවද්‍ය පරිහරණය කිරීම ඇතුළු අධි චෝදනා හතරකට වරදකරු කරනු ලැබූ කඩුවෙල ජාතික ඉතිරි කිරීමේ බැංකුවේ ප්‍රධාන මුදල් අයකැමියා ලෙස සේවය කළ නිලධාරියාට බරපතළ වැඩ සහිත වසර 35ක සිර දඬුවම් හෝමාගම මහාධිකරණ විනිසුරු ක්‍රිෂාන්ති අමරතුංග නියම කළාය.

එම සිරදඬුවම එකවර ගෙවී යන ලෙස එනම් වසර 15කින් ගෙවී යන ලෙස ලබාදීමටද මහාධිකරණ විනිසුරුවරිය නියෝග කළාය.

මීට අමතරව ඒලෙස සාවද්‍ය සාපරාදී පරිහරණය කළ මුදලද (135,102,975.00) වන්දියක් ලෙස ජාතික ඉතිරි කිරීමේ බැංකුවටද ගෙවීමට නියම කළ මහාධිකරණ විනිසුරුවරිය එම මුදල නොගෙවන්නේ නම් බරපතල වැඩ සහිත වසර හතරක සිර දඬුවම්ද නියම කළාය.