පුවත්

2026 අධ්‍යයන පොදු සහතික පත්‍ර උසස් පෙළ විභාගය සඳහා අයදුම්පත් භාර ගැනීමේ කාලසීමාව අද ( 24) මධ්‍යම රාත්‍රියෙන් අවසන් වන බව විභාග දෙපාර්තමේන්තුව නිල වශයෙන් නිවේදනය කරයි.

පසුගිය මාර්තු මස 24 වනදා ආරම්භ වූ මෙම අයදුම්පත් කැඳවීමේ ක්‍රියාවලිය මාර්ගගත ක්‍රමය (Online) ඔස්සේ පමණක් සිදු කෙරුණු අතර, ඒ සඳහා ලබා දී තිබූ මාසයක කාලය අදින් අවසන් වේ.

අවසන් නිවේදනය සහ කොන්දේසි

විභාග කොමසාරිස් ජනරාල් ඒ. කේ. එස්. ඉන්දිකා කුමාරි ලියනගේ අවධාරණය කර සිටින්නේ, අද මධ්‍යම රාත්‍රියෙන් පසු අයදුම්පත් භාර ගන්නා පද්ධතිය (Online Portal) සම්පූර්ණයෙන් වසා දැමෙන බවයි. එමෙන්ම අයදුම්පත් භාර ගැනීමේ කාලය කිසිදු හේතුවක් මත තවදුරටත් දීර්ඝ නොකරන බව ද ඇය සඳහන් කළාය.

එබැවින් මෙතෙක් අයදුම්පත් යොමු නොකළ අපේක්ෂකයින් සිටී නම්, අද මධ්‍යම රාත්‍රියට පෙර තම අයදුම්පත් නිසි පරිදි මාර්ගගතව යොමු කරන ලෙස දැනුම් දී තිබේ.

වැඩිදුර තොරතුරු සහ සහාය සේවා

අයදුම්පත් යොමු කිරීමේදී යම් ගැටලුවක් හෝ වැඩිදුර පැහැදිලි කිරීමක් අවශ්‍ය වන්නේ නම්, පහත දුරකථන අංක ඔස්සේ විභාග දෙපාර්තමේන්තුව හා සම්බන්ධ විය හැකිය

දුරකථන අංක: 0112 785 922 / 0112 784 208 / 0112 784 537

විද්‍යුත් ලිපිනය: This email address is being protected from spambots. You need JavaScript enabled to view it.

විභාග අපේක්ෂකයින්ට ඇති විය හැකි තාක්ෂණික බාධා මඟහරවා ගැනීම සඳහා අවසන් මොහොත වන තෙක් රැඳී නොසිට කඩිනමින් අයදුම්පත් සම්පූර්ණ කරන ලෙස දෙපාර්තමේන්තුව වැඩිදුරටත් ඉල්ලා සිටියි.