මේ වනවිට රට තුළ ඇතිවී තිබෙන අයහපත් කාලගුණ තත්ත්වය හේතුවෙන් පීඩාවට පත්වී සිටින ජනතාව සඳහා සහන සැලසීමේ සර්වජන සෙනෙහස ක්‍රියාන්විතය මේ වනවිට ක්‍රියාත්මකය.
ඒ සර්වජන බලය පක්ෂයේ නායක, පාර්ලිමේන්තු මන්ත්‍රී දිලිත් ජයවීර මහතාගේ ප්‍රධානත්වයෙනි.
ඒ අනුව කොළඹ, ගම්පහ දිස්ත්‍රික්කවල ගංවතුරෙන් පීඩාවට පත් ජනතාව වෙනුවෙන් Citrus හෝටලයෙන් උදෑසන, දිවා සහ රාත්‍රී ආහාරවේල් ලබාදීම සිදු කරයි.
තවද සියලුම දිස්ත්‍රික්ක සඳහා ද සර්වජන සෙනෙහස ක්‍රියාන්විතය දියත් කර ඇති අතර එම දිස්ත්‍රික්කයන්වලට ද ආහාර පිසීමට අවශ්‍ය සියලුම අමුද්‍රව්‍ය මේ වන විට යවා ඇත.
ගං වතුරෙන් නිවාස තුළ සිර වී ඇති ජනතාව බේරාගැනීම සඳහා බෝට්ටු සේවයක්ද සර්වජන සෙනෙහස ක්‍රියාන්විතය තුළින් ක්‍රියාත්මක කර තිබේ.
