සාගින්නෙන් ජනතාව මුදා ගැනීම සඳහා ආණ්ඩුවට සහයෝගය දීමට තමන් සූදානම් බව සමගි ජන බලවේගය පාර්ලිමේන්තු මන්ත්‍රී රාජිත සේනාරත්න සඳහන් කරයි.
තමන් එසේ සහාය දෙන්නේ තනිව නොව තවත් කණ්ඩායමක් සමග බවද පැවසූ ඔහු ඒ සන්ධානයක් ලෙස විය හැකි බවද කියා සිටියේය.
ජනතාව ඉතාම අසීරුවෙන් ආහාර සොයා ගත නොහැකිව සිටින කාලයක දේශපාලන කතා නොකළ යුතු බවද හෙතෙම පැවසීය.
පසුගිය යුද සමයේ ද රට බරපතළ අර්බුදයක වැටී සිටි අවස්ථාවේ තමන් ආණ්ඩුවට එක් වී එම කටයුත්ත සඳහා සහය දුන් බවද පැවසූ දැන් උදා වී ඇත්තේ ද එවන් ආර්ථික අර්බුදයක් බවද සදහන් කලේය.