විශේෂාංග

අද ශ්‍රී ලංකාව නූතන දේශපාලනයේ දුර්ලභ සිදුවීමකට සාක්ෂි දැරුවේ ය. ඒ, හුදෙක් සෙනඟ පිනවීමට සීමා නොවී, ජන හදවත් පසාරු කරගෙන ගිය අතිශය තීරණාත්මක දේශපාලන දේශනයකි.

හදිසියේ සංවිධානය කරන ලද මෙම මැයි දින රැලියේ දී, දිලිත් ජයවීර සිය කෙටි දේශපාලන ජීවිතයේ වඩාත් ම බලපෑම් සහගත කතාව සිදු කළේ ය. එය කාලයෙන් කෙටි වුව ද, එහි අන්තර්ගතය ප්‍රබල විය. එහි වූ සෑම වචනයක් ම උණ්ඩයක් මෙන් දේශපාලන පසමිතුරන් ඉලක්ක කළ අතර, සෑම වැකියක් ම වැරදිකරුවන් හඳුනාගත් තීන්දුවක් බඳු විය.

දිලුම් අමුණුගම දිලිත්ට වේදිකාව මනාව සකස් කළේ ය. ඔහු සදාචාරාත්මකව දූෂිත නායකත්වයක් යටතේ ගිලෙමින් පවතින ජාතියක චිත්‍රය මවා පෙන්වී ය. ඉන්පසුව මයික්‍රෆෝනය අතට ගත් දිලිත්, එම චිත්‍රය කණ්ණාඩියක් බවට පත් කළේ ය. ඒ තුළින් තමන් පත්ව සිටින සැබෑ තත්ත්වය දෙස බැලීමට ඔහු මුළු රටට ම බල කළේ ය.

ඩොලර් මිලියන 2.5ක මහා වංචාව හෙළිදරව් කිරීමෙන් පසු මියගිය මහා භාණ්ඩාගාර නිලධාරියා ගැන ඔහු කතා කළේ ය. ඔහු හුදෙක් නිලධාරියෙකු පමණක් නොව, දැඩි මතධාරී ජවිපෙ කාඩර්වරයෙක් විය. සිය පක්ෂය පිරිසිදු සහ වෙනස් යමක් නියෝජනය කරන බව විශ්වාස කළ පුද්ගලයෙකි. අවසානයේ සත්‍යය සොයා ගිය ඔහුට ඒ වෙනුවෙන් තමන් ගේ ජීවිතයෙන් වන්දි ගෙවීමට සිදු විය. එම නිලධාරියා ගේ මරණය හුදෙක් ඛේදවාචකයක් පමණක් නොව, එය සාක්ෂියකි. පක්ෂය ඇතුළතින් ම කුණු වී ඇති බවට වූ නොමැකෙන සාක්ෂියකි.

ඉන්පසුව දිලිත්, දේශපාලනඥයන් කලාතුරකින් කරන එඩිතර පියවරක් තැබීය. ඔහු 'රනිල් රජුට' සහ 'අනුර කුමරුට' එකවර ප්‍රහාර එල්ල කළේ ය. ඔවුන් දෙදෙනා වෙන් වෙන් ගැටලු දෙකක් ලෙස නොව, අසාර්ථකත්වයේ එකම අඛණ්ඩ දාමයක පුරුක් ලෙස ඔහු හඳුන්වා දුන්නේ ය.

"අනුර කියන්නේ රනිල්ගේ ප්‍රොක්සිය" යන කරුණ දිලිත් ආරම්භයේ සිට ම කෑගසා පැවසුවේ ය. එදා එය කී විට බොහෝ දෙනා ඔහුට සිනාසුණහ. එහෙත් අද මුළු රටම එය දනී.

අනුර, රනිල්ගේ සැලසුම්වලින් බැහැරව කළ එකම එක ප්‍රතිපත්තියක් හෝ නම් කළ හැකි ද?

රනිල් ගේ අධිකරණමය නාට්‍යය යනු හුදෙක් ප්‍රදර්ශනයක් පමණි. සැබෑ වැරදිකරුවන් ආරක්ෂා කරමින්, වගවීමක් ඇති බව පෙන්වීමට රඟ දක්වන වේදිකා නාට්‍යයකි. අනුර ගේ අධ්‍යාත්මික නායකයා, විජේවීර හා ටිල්වින් නොව, ජයවර්ධන හා වික්‍රමසිංහ බව, දිලිත් දන්නේ, හාමු මහත්තයාවත්, වත්තේ වැඩකරන කොල්ලත්, දෙදෙනාම ආශ්‍රය කල නිසාවෙනි.

ඒ නිසයි දිලිත් මේ ප්‍රෝඩාව හෙළි කරන ප්‍රශ්නය ඇසුවේ.

"රනිල්ට එරෙහිව පොරොන්දු වූ බටලන්ද කොමිසම අද කොහේද?"

ඉස්සරහ පේළියේ හිටපු ජයසුමනත්, අන්තිම පේළියේ හිටප, අම්පාරේ ඉඳන් ආව ලිය බලයේ ඒ කාන්තාවත්, ඒ ප්‍රශ්නයට හිනාවුණේ බටලන්ද යන, රනිල් හා අනුර කන බොන, UNP එකේ එවුනුත් ජවිපේ තාප්පවල පාප්ප ගාලා අමාරුවෙන් හම්බකරගත් සල්ලි, මිලියනපති ලාල්කාන්ත, වසන්ත, වටගල, හා හදුන්ලාට බිලි දුන් නෙට්ෆ්ලික්ස් පන්නයේ තඹුත්තේගම නාඩගමක් හින්දා ය.

මන්ද අනුර කිසිදා රනිල්ට දඬුවම් කිරීමට සිටියේ නැත. ඔහුගේ භූමිකාව වූයේ රනිල්ව කරේ තබාගෙන යාම යි.

නමුත් දිලිත් එතැනින් නැවතුණේ නැත. ඔහු යුක්තිය ඉල්ලා සිටියේ ය. එය වියුක්ත දේශපාලන යුක්තියක් නොව, මේ රටේ වැඩකරන මිනිස්සු වෙනුවෙන් ඉල්ලා සිටි සැබෑ යුක්තිය යි. තමන් ගේ ශ්‍රමය අගය නොකරන රටක් ගොඩනැගීමට දෑතින් ලේ කඳුළු හෙලන මිනිසුන් වෙනුවෙන් ඔහු පෙනී සිටියේ ය. ජීවිතයේ කිසිදා රැකියාවක් කර ධනය උත්පාදනය නොකළ, ව්‍යාපාරයක් ගොඩනොනැඟූ, දේශපාලන ජීවිතයෙන් එහාට කිසිදු අවදානමක් නොගත් පිරිසක් විසින් මෙහෙයවන ආණ්ඩුවක් යටතේ හුස්ම හිරවන ව්‍යවසායකයන් වෙනුවෙන් ඔහු හඬ නැඟුවේ ය.

අද දවස තීරණාත්මක සන්ධිස්ථානයක් සනිටුහන් කළේය. එය එක් රැලියක් නිසා සිදු වූවක් නොව, පැහැදිලි දැක්මක් ජනතාවට ලැබුණු නිසා ය. දිලිත් මෙතෙක් කල් පෙන්වීමට උත්සාහ කළ දේ අද රටම ඉතා පැහැදිලිව දුටුවේ ය. දිලිත් දැන් ඈත අහසේ පියාඹන රාජාලියෙකු මෙන් නැගී එමින් සිටියි. දිනෙන් දින, එක දේශනයකින් තවත් දේශනයකට, එක සත්‍යයකින් තවත් සත්‍යයකට ඔහු ඉදිරියට යයි. ශ්‍රී ලංකාව හයිටියක් වැනි අසාර්ථක රාජ්‍යයක් බවට පත් කිරීමට රනිල් සහ අනුර දකින හීනයට ඇති ලොකුම සතුරා දිලිත් ය. නමුත් දිලිත් ඊට ඉඩ දෙන්නේ නැත. සර්වජන බලය ඊට ඉඩ දෙන්නේ නැත. දැන් ජනතාව ද ඊට ඉඩ දීමට සූදානම් නැත.

මෙම රට රූකඩවලට හෝ නියෝජිතයන්ට පරාජය කළ නොහැකි ය. ඔවුන් කවුදැයි හඳුනාගෙන ඔවුන්ගේ නමින්ම ඔවුන්ව හැඳින්වීමට නිර්භීත මිනිසුන් සිටින තාක් මෙය පරාජය කළ නොහැකි ය. ගමෙන් ගමට, හදවතින් හදවතට, සත්‍යයෙන් සත්‍යයට ගොඩනැගෙන ජනතා ව්‍යාපාරයක් දැන් සක්‍රීය වී ඇත.

අද පැවතියේ හුදු තවත් එක් මැයි දින රැලියක් පමණක් නොවේ. එය ප්‍රකාශනයකි. සටන දැන් නව තලයකට පිවිස ඇත. සැබෑ සත්‍යය දැන් නිරාවරණය වී ඇත. දිලිත් අද රටට තීරණයක් ලබා දුන්නේය. එක්කෝ අසාර්ථක නායකයන්ගේ රූකඩ පාලනය දිගටම පිළිගන්න, නැතහොත් ශ්‍රී ලංකාව ලැබිය යුතු ශ්‍රේෂ්ඨත්වය වෙනුවෙන් මේ නව ජනතා ව්‍යාපාරය සමඟ නැගී සිටින්න.

නවම් මීගොඩ