22 වන ආණ්ඩුක්‍රම ව්‍යවස්ථා සංශෝධනය පාර්ලිමේන්තුවටඉදිරිපත් කිරීමෙන් පසුව පැවැත්වීමට නියමිත විවාදය සංවිධානය කිරීමේ වගකීම පාර්ලිමේන්තුවේ ආණ්ඩු පක්ෂ නියෝජ්‍ය සංවිධායක සාගර කාරියවසම් මන්ත්‍රීවරයාට පැවරෙනු ඇති බව දේශපාලන ආරංචිමාර්ග පවසයි.
ඒ ආණ්ඩු පක්ෂ ප්‍රධාන සංවිධායක අමාත්‍ය ප්‍රසන්න රණතුංග පෞද්ගලික විදෙස් සංචාරයක් යොදාගෙන ඇති නිසා බවත් එම ආරංචිමාර්ග පවසයි.
ප්‍රසන්න රණතුංග අමාත්‍යවරයා යලිත් පැමිණීමට නියමිතව තිබෙන්නේ ව්‍යවස්ථා විවාදය හමාර වූ පසුව බවත් දැනගන්නට ඇත.
කෙසේවුවත් සාගර කාරියවසම් මන්ත්‍රීවරයා පොදුජන පෙරමුණේ මහ ලේකම්වරයා වන අතර ඔහු 22 ව්‍යවස්ථාවේ ඇතැම් වගන්ති සඳහා කිසිසේත්ම සිය පක්ෂය සහයෝගය නොදෙන බව මේ වන විටත් ප්‍රසිද්ධියේ ප්‍රකාශකර ඇත.
22 වන ආණ්ඩුක්‍රම ව්‍යවස්ථා සංශෝධන පනත් කෙටුම්පත දෙවන වර කියවීමේ විවාදය ඔක්තෝබර් 20 හා 21 යන දෙදින පැවැත්වීමට ඔක්තෝම්බර් 07 දින පැවති පක්ෂ නායක රැස්වීමේදී තීරණය කර ඇත.
