Language Switcher

V2025

ෆොන්සේකා විප්ලවයක් ඉල්ලයි !

අරගලයක් නැතුව මේ රටට ගමනක් නැතැයි සමගි ජන බලවේගය පාර්ලිමේන්තු මන්ත්‍රී ෆීල්ඩ් මාර්ෂල් සරත් ෆොන්සේකා පවසයි.

අනිවාර්යෙන්ම මේ රටේ දේශපාලන සංස්කෘතිය වෙනස් කිරීමට නම් ජනතා විප්ලවයක් ඇති විය යුතු බව ද ඔහු සඳහන් කර සිටියි.

පාර්ලිමේන්තු මන්ත්‍රී ෆීල්ඩ් මාර්ෂල් සරත් ෆොන්සේකා මේ බව සඳහන් කර සිටියේ විශ්ව අන්තර් විශ්වවිද්‍යාල ශිෂ්‍ය බලමණ්ඩලය විසින් ඊයේ (04) කැලණියේ දී සංවිධානය කර තිබූ උද්ඝෝෂණ රැලියක් අමතමිනි.

අරගලකරුවන් පුනරුත්ථාපනය කළ යුතු යැයි පාර්ලිමේන්තු මන්ත්‍රී නාමල් රාජපක්ෂ සඳහන් කර ඇතත් ඇත්ත වශයෙන්ම පුනරුත්ථාපනය කළ යුත්තේ ඔවුන්ගේ හත්මුතු පරම්පරාව යැයිද මන්ත්‍රීවරයා සඳහන්කර ඇත.

පාර්ලිමේන්තු මන්ත්‍රී ෆීල්ඩ් මාර්ෂල් සරත් ෆොන්සේකා හට මේ ආකාරයට අන්තර් විශ්ව විද්‍යාල ශිෂ්‍ය බලමණ්ඩලය ඇමතීමට අවස්ථාව සැළසීම බොහෝ දුරට සරත් ෆොන්සේකා සහ පෙරටුගාමී සමාජවාදී පක්ෂයේ කුමාර් ගුණරත්නම් අතර ඇති සමීප හිතවත්කම මත සිදුවූවක් විය හැකි බවත් , නොඑසේනම් සාමාන්‍යයෙන් ජාතික ධාරාවේ දේශපාලනඥයන්ට අන්තරය ඇමතීමට අවස්ථාව හිමි නොවන බව දේශපාලන විචාරයකයන්ගේ මතය වී තිබේ.