ලංකාව කේන්ද්‍ර කරගනිමින් දේශපාලන අර්බුදයකට තුඩුදී ඇති චීනයේ 'යුආන්වැන් 5' පරීක්ෂණ නෞකාව සැලසුම් කර තිබූ පරිදි ලබන 11දා හම්බන්තොට වරායට නොපැමිණෙනු ඇතැයි දේශපාලන ආරංචි මාර්ග පවසයි .
අදාළ නෞකාවට ශ්‍රී ලංකාවට පැමිණීමට පසුගිය ජූනි මසදී නිල අවසරය ශ්‍රී ලංකා ආරක්ෂක අමාත්‍යාංශය ලබා දී තිබිණ .
එහෙත් චීන මහජන විමුක්ති හමුදාවට අයත් සතුරු මිසයිල ස්ථානගත කර ඇති ස්ථාන අධීක්ෂණයට පහසුකම් ඇති 'යුආන්වැන් 5' නෞකාව හම්බන්තොට වරායට පැමිණීම ගැන ඉන්දියාව මෙරටට දැඩි විරෝධය පළ කළේය.
ඉන්දීය විදේශ අමාත්‍යාංශය නවදිල්ලියේ ශ්‍රී ලංකා මහ කොමසාරිස් කාර්යාලයට ද තම විරෝධය දැනුම් දුන් බවත් වාර්තා විය.
කෙසේ හෝ දෙරට අතර හොඳ හිත රැකගෙන මෙම අර්බුදය විසදා ගැනීම සඳහා විදේශ අමාත්‍ය අලි සබ්‍රි ඉන්දීය සහ චීන විදේශ අමාත්‍යවරුන් කාම්බෝජයේදී මුණගැසී සාකච්ඡා කළ බවත් වාර්තා වෙයි .
එහිදී සිදු කළ කරුණු පැහැදිලි කිරීම් අනුව චීන යුද නැව හම්බන්තොට වරායට නොපැමිණෙනු ඇතැයි දැනගන්නට තිබේ.
