අනිද්දා 02 දිනයේදී ඉන්දීය ණය ගිවිසුම හරහා ලැබෙන තවත් ඩීසල් නෞකාව පැමිණි පසු විදුලිය කප්පාදු කිරීමේ පැය ප්රමාණය අඩු කළ හැකි බව විදුලිබල අමාත්ය පවිත්රා වන්නිආරච්චි පවසා ඇත.
අද (31) ජනාධිපති මාධ්ය අංශයේ පැවති මාධ්ය හමුවකට එක්වෙමින් විදුලිබල අමාත්ය පවිත්රා වන්නිආරච්චි මේ බව සඳහන් කර ඇත.
මේ වන විට මෙරට ජල විදුලි නිෂ්පාදනය 20% දක්වා පහත වැටී ඇති බවත් අමාත්යවරිය පවසා ඇත.
එසේම සොබාදනවී LNG විදුලි බලාගාරයෙන් 2023 වසරේදී මෙගා වොට් 200 ක ප්රමාණයක් ජාතික පද්ධතියට එක් කර ගැනීමට බලාපොරොත්තු වන බවද අමාත්යවරිය සඳහන් කළාය.
අත්යවශ්ය සේවා සඳහා විදුලි කප්පාදුවෙන් නිදහස් කර ඇති ප්රදේශවල විදුලිය ලැබෙන රැහැන්වලට සම්බන්ධව ඇති නිවාස ඇතුළු අනෙකුත් ස්ථානවල විදුලිය, භූමියට ගොස් විසන්ධි කිරීමේ නව වැඩපිළිවෙළක්ද ආරම්භ කරන ලෙස අමාත්යවරිය බලධාරීන්ට උපදෙස් දී ඇති බවත් එහිදී සඳහන් විය.
