මෙරට ග්‍රාම නිලධාරීන් 9000ක පුරප්පාඩු ඇති බව ස්වදේශ කටයුතු රාජ්‍ය අමාත්‍යංශය පවසයි.
එහි ලේකම් එම්.එච්.එම්. චිත්‍රානන්ද සඳහන් කරන්නේ මේ හේතුවෙන් ග්‍රාම නිලධාරී වසම් කිහිපයක වැඩ ආවරණය කිරීමට එක් නිලධාරියෙකුට සිදුව ඇති බවය.
පුරප්පාඩු සඳහා සුදුස්සන් බඳවා ගැනීම සඳහා වන තරග විභාගයට මේ වනවිට අයැදුම්පත් කැඳවා අවසන් නමුත් එය මෙතෙක් පවත්වා නැත.
අමාත්‍යංශ ලේකම් පවසා සිටින්නේ , විභාග දෙපාර්තමේන්තුව පසුගිය මාස කිහිපයේ කාර්ය බහුල වීම හේතුවෙන් ඒ සඳහා දිනයක් යොදා ගැනීමට නොහැකි වූ බවයි.
ඒ අනුව ලබන ජූලි මාසයේදි ඒ සඳහා වන තරග විභාගය පැවැත්වීමට සැලසුම් කර ඇති බවත් ලේකම්වරයා ප්‍රකාශ කර ඇත.