පාස්කු කොමිසම ඉදිරියේ සාක්ෂි ලබාදුන් පුද්ගලයකු ලෙස එම සාක්ෂි එලියට පැමිණීමේදී ආණ්ඩුවට කට උත්තර නැති වී දේශපාලන දඩයම් කිරීමට අරඹා ඇති බව පාර්ලිමේන්තු මන්ත්‍රී පාඨලී චම්පික රණවක පවසයි.
මන්ත්‍රීවරයා මාධ්‍ය හමුවේ මෙසේ සඳහන් කර සිටියේ අද (24) අපරාධ පරීක්ෂණ දෙපාර්තමේන්තුව විසින් සිදුකර තිබු කැඳවීමකට අනුව එහි පැමිණි අවස්ථාවේ ය.
තමන් මහානගර සහ බස්නාහිර පළාත් සංවර්ධන අමාත්‍යවරයා ලෙස කටයුතු කළ සමයේ සිදුකළ ප්‍රවර්ධන වැඩසටහනක්, මූල්‍ය අවභාවිතාවක් බව කියා ඒ සම්බන්ධව සිදුකෙරෙන පරීක්ෂණයක් සම්බන්ධයෙන් ඔහු මෙලෙස අපරාධ පරීක්ෂණ දෙපාර්තමේන්තුව වෙත කැඳවා ඇති බව අමාත්‍යවරයා පවසයි.
හිටපු නීතිපතිවරයා පාස්කු දින ප්‍රහාරයේ කුමන්ත්‍රණයක් ඇති බව පැවසීම හේතුවෙන් ආණ්ඩුව පත්ව ඇති අසරණකම පෙනෙන්නට ඇති බවත් පාර්ලිමේන්තු මන්ත්‍රී පාඨලී චම්පික රණවක පැවසීය.
