ශ්‍රී ලංකා මහ බැංකුවේ මුල්‍ය මණ්ඩලයේ ලේකම් දවුලගල මහත්මිය අද සිට එම තනතුරේ වගකීම්වලින් ඉවත් කර ඇති බව හිටපු ආණ්ඩුකාර කීර්ති තෙන්නකෝන් පවසයි.
"වෝහාරික විගණනයට සම්බන්ධ දවුලගල මුල්‍ය මණ්ඩල ලේකම් ධූරයේ වගකීමෙන් ඉවතට " මැයෙන් සිය ෆේස්බුක් ගිනුමේ සටහනක් තබමින් හිටපු ආණ්ඩුකාරවරයා මේ කරුණු අනාවරණය කර ඇත.
අදාළ සටහනේ වැඩිදුරටත් මෙසේද සඳහන් වෙයි.
අර්ජුන මහේන්ද්‍රන් ඇතුළු පිරිසට මහ බැංකු වංචාව ඉදිරිපත් වූ මොහොතේ සිට ජනාධිපති කොමිෂන් සභාව, වෝහාරික විගණනය දක්වා සියළුම පරීක්ෂණ කටයුතු සඳහා වෘත්තීයමය වගකීම රැදී තිබුණේ කේ.එම්.ඒ.එන්.දවුලගල මහත්මිය යටතේය.
බැඳුම්කර වංචාවේ සටහන් වෙනස් කිරීමට උත්සහ දැරූ අවස්ථාවේ දී එයට වලක්වනු ලැබූවේ ද ඇය යි. ඊ.ඒ.පී.එදිරිසිංහ මුල්‍ය සමාගමට අදාල විගණනයේ ද මුලිකත්වය දැරූ ඇය, එහි දී බලධාරීන්ගෙන් එල්ල වූ බලපෑම් නොතකා ක්‍රියාකල සුපිලිපන් නිලධාරිනියකි.
අර්ජුන මහේන්ද්‍රන් හා අජිත් නිවාඩ් කබ්රාල්ට අදාල වෝහාරික වාර්තා පහක සියළු ලේඛන භාරකාරීත්වය පැවතියේ දවුලගල මහත්මිය යටතේය.
බැඳුම්කර අපරාධය සම්බන්ධයෙන් නීතිපති දෙපාර්තමේන්තුව සමඟ සම්බන්ධීකරණය කළේ ය දවුලගල මහත්මිය යි.
කබ්රාල්ට එරෙහිව කීර්තිගේ නඩුව !
මේ අතර හිටපු මහ බැංකු අධිපතිවරයකු වූ අජිත් නිවාඩ් කබ්රාල්, නැවත ශ්‍රී ලංකා මහබැංකුවේ අධිපති ධුරයට පත් කිරීම හා එම ධුරයේ කටයුතු කිරීම වළක්වන ලෙස මැන්ඩා මුස් රිට් අඥාවක් නිකුත් කරන ලෙස ඉල්ලා හිටපු ආණ්ඩුකාර කිර්ති තෙනන්කෝන් පසුගිය 14 වනදා අභියාචනාධිකරණයට රිට් ආඥා පෙත්සම විමසීම එළඹෙන 22 දා සිදුකිරීමට නියමිත බවත් දැනගන්නට ඇත.
මෙම පෙත්සමේ වගඋත්තරකරුවන් ලෙස නම්කර ඇත්තේ, අජිත් නිවාඩ් කබ්රාල් ,ජනාධිපති ලේකම් ආචාර්ය පි.බි. ජයසුන්දර, මුදල් අමාත්‍ය බැසිල් රාජපක්ෂ, නියොජ්‍ය මහබැංකු අධිපති ටි.එම් ඒ .ජේ වයි. පි. ප්‍රනාන්දු ,නීතිපතිවරයා හා පොලිස්පතිවරයායි.
මහ බැංකු අධිපති ලෙස අජිත් නිවාඩ් කබ්රාල් කටයුතු කළ සමයේ ශ්‍රී ලංකා මහ බැංකුවට රුපියල් බිලියන 10.4 ත් ,10 .6 ත් අතර අලාභයක් සිදුකර ඇති බවට ශ්‍රී ලංකා මහ බැංකු බැඳුම්කර වංචාව සම්බන්ධයෙන් සිදු කර ඇති, වෝහාරික විගණන වාර්තාවක් මගින් අනාවරණය වි ඇති බැවින් ඔහුව අත්අඩංගුවට ගෙන ඒ සම්බන්ධයෙන් ප්‍රකාශ සටහන් කරන ලෙස පොලිස්පතිවරයාට නියෝග කරන ලෙසත් එම පෙත්සම හරහා ඉල්ලා තිබිණ.
එසේම ඉදිරිපත් වි ඇති සාක්ෂි අධ්‍යයනය කර ඔහුට එරෙහිව මහාධිකරණය හමුවේ අධිචෝදනා ගොනු කර නඩු පවරන ලෙස නීතිපතිට නියෝගයක් නිකුත් කරන ලෙසත් එමගින් ඉල්ලා ඇත.
පෙත්සම ගොනුකරමින් කීර්ති තෙන්නකෝන් පෙන්වා දෙන්නේ මහබැංකු බැඳුම්කර වංචාව සම්බන්ධයෙන් විමර්ශන කිරිමට හිටපු ජනාධිපති මෛත්‍රිපාල සිරිසේන විසින් පත් කළ ත්‍රි පුද්ගල ජනාධිපති කොමිෂන් සභාව හමුවට ඉදිරිපත් කරන ලද වෝහාරික විගණන වාර්තාව අනුව අජිත් නිවාඩ් කබ්රාල් සම්බන්ධයෙන් නිර්දේශ කිහිපයක් ඉදිරිපත් කර ඇති බවයි.
ඔහු නැවත මහබැංකු අධිපතිධුරයට පත් වුවහොත් ඔහුට එරෙහිව ඉදිරිපත් වි ඇති සාක්ෂි විනාශ කිරිමේ අවදානම පවතින බවත් පෙත්සම්කරු මෙමගින් අභියාචනාධිකරණයට පෙන්වා දී තිබේ.
පෙත්සම ගොනුකරමින් කීර්ති තෙන්නකෝන් පෙන්වා දෙන්නේ මහබැංකු බැඳුම්කර වංචාව සම්බන්ධයෙන් විමර්ශන කිරිමට හිටපු ජනාධිපති මෛත්‍රිපාල සිරිසේන විසින් පත් කළ ත්‍රි පුද්ගල ජනාධිපති කොමිෂන් සභාව හමුවට ඉදිරිපත් කරන ලද වෝහාරික විගණන වාර්තාව අනුව අජිත් නිවාඩ් කබ්රාල් සම්බන්ධයෙන් නිර්දේශ කිහිපයක් ඉදිරිපත් කර ඇති බවයි.
ඔහු නැවත මහබැංකු අධිපතිධුරයට පත් වුවහොත් ඔහුට එරෙහිව ඉදිරිපත් වි ඇති සාක්ෂි විනාශ කිරිමේ අවදානම පවතින බවත් පෙත්සම්කරු මෙමගින් අභියාචනාධිකරණයට පෙන්වා දී තිබේ.