ලොහාන් රත්වත්තේට තිබෙන චෝදනා ඉතා බරපතළ වන අතර එබැවින් සිරකරුවන් සම්බන්ධයෙන් වගකිවයුතු අමාත්‍යංශයක්වත් වෙනත් ඇමති තනතුරක හෝ පාර්ලිමේන්තු මන්ත්‍රීවරයකු ලෙස හෝ වගකීමක් දැරීමටවත් ඔහු විශ්වාසදායක නැති බව ශ්‍රී ලංකා නීතිඥ සංගමය අවධාරණය කරයි.
ශ්‍රී ලාංකා නීතිඥ සංගමයේ ලේකම් රජීව් අමරසූරිය අද (16) නිවේදනයක් නිකුත්කරමින් මේ බව අවධාරණය කර ඇත.
ඔහුගේ සාපරාධී ක්‍රියා සම්බන්ධයෙන් පූර්ණ සහ අපක්ෂපාතී විමර්ශනයක් සිදුකළ යුතු බවත් එම නිවේදනයේ දැක්වෙයි.
තවද ඉල්ලා අස්වීම මගින් ලොහාන් රත්වත්තේ තම චර්‍යාව සම්බන්ධ වගකීම බාරගෙන ඇති බවත් , එමගින් කිසිදු රජයේ තනතුරක් දැරීම සඳහා ඔහු සතු සදාචාරාත්මක අයිතිය අහෝසිවී ඇති බවත් එම නිවේදනයේ සඳහන් ය.
ශ්‍රී ලංකා නීතිඥ සංගමය නිකුත්කළ නිවේදනය පහත දැක්වෙයි.
