රෝහල්ගතව සිටින කොවිඩ් – 19 ආසාදිතයන් මෙන් පස් ගුණයක ආසාදිතයින් සමාජයේ සිටිය හැකියැයි ශ්‍රී ලංකා වෛද්‍ය සංගමයේ සභාපතිනී විශේෂඥ වෛද්‍ය පද්මා ගුණරත්න පවසයි.
මේ තත්වය පාලනයට නම් හැකි පමණට සංචරණ සීමා පැනවීම කළ යුතු බවද වෛද්‍යවරිය සඳහන් කරයි.
රෝහල්වල වාට්ටු රෝගීන්ගෙන් පිරී ගොස් ඇතැයි පැවසූ විශේෂඥ වෛද්‍යවරිය ජනතාව පොදුවේ සෞඛ්‍ය නීති හරියාකාරව පිළිනොපදින තත්වයක් පෙනෙන්නට ඇතැයිද කීවාය.
කෙසේ වෙතත් සෞඛ්‍ය ඇමති, සෞඛ්‍ය සේවා අධ්‍යක්ෂ ජනරාල්, නියෝජ්‍ය සෞඛ්‍ය සේවා අධ්‍යක්ෂ ඇතුළු බලධාරීන් සහ නිලධාරීන් නිරන්තරයෙන් ප්‍රකාශ කරන්නේ කොවිඩ් – 19 තවමත් සමාජගතවී නැති බවය.