විශේෂාංග

දිලිත් ජයවීර අප්‍රේල් 24වැනි දා  මාධ්‍ය හමුවට පිවිසියේ ආණ්වට දිගු දේශපාලන ප්‍රහාරයක් එල්ල කරන්නටය.

ඊට පෙර දින රුපියල් බිලියන තුනක මහා පරිමාණ වංචාවක් අනාවරණය කර තිබූ ඔහු, තවත් දේශපාලන බෝම්බයක් පුපුරුවා හැරීමට සූදානමින් සිටියේ ය.

රුපියල් මිලියන හත්සිය පනහක්! මහා භාණ්ඩාගාරයෙන් අතුරුදන්ව ඇත. මේක ගැන විපක්ෂයේ හමෝම ආණ්ඩුවට ගුටි දෙමින් සිටිති. රජය මාස හතරක් තිස්සේ මෙම පුවත සඟවාගෙන සිටියේ ය. මහජන මුදල් අන්තරස්ථාන වෙද්දී මාස හතරක නිහඬතාවක් රජ කළේ ය.  අවසානයේ වසන් කළ නොහැකි තැන, ඔවුන් තම නිදහසට කරුණ ඉදිරිපත් කළේය. ඒ කුමක්ද? “හැකර්වරු.”

මුහුණක් නැති, වගකීමක් නැති, ඕනෑම අවස්ථාවක ලෙහෙසියෙන් ඇඟ බේරාගත හැකි නිදහසට කරුණක් ලෙස ඔවුන් “හැකර්වරුන්” හඳුන්වා දුන්නේ ය.

එහෙත් දිලිත් මුළු මහත් ජාතිය ම ඇසිය යුතු ප්‍රශ්නය මතු කළේය: “සැබෑ හැකර්වරු කවුද?” මොවුහු දූරස්ත සර්වර් යන්ත්‍ර පිටුපස සැඟවුණු අද්භූත සයිබර් අපරාධකරුවෝ නොවෙති. මෙම සැබෑ හැකර්වරු 1965 වසරේ සිට මහ දවල් අපේ ඇස් පනාපිට ම සැරිසරති. ඒ ජනතා විමුක්ති පෙරමුණ හෙවත් නරුම දේශපාලන පක්ෂය යි. ඔවුන් මේ රටේ විභවය හැක් කළේ ය; ආර්ථිකය හැක් කළේ ය; ආයතන පද්ධතිය හැක් කළේ ය; ක්‍රමානුකූලව සහ අනුකම්පා විරහිතව ඔවුන් මේ රටේ අනාගතය හැක් කරමින් සිටියහ.

මහජනතාව නියෝජනය කරන බව පවසමින් දශක ගණනාවක් තිස්සේ ඔවුන් කළේ බලය වෙනුවෙන් සැඟවුණු මෙහෙයුමක නිරත වීමයි. කිසිදා ඉටු නොකරන පොරොන්දු මගින් ඔවුහු මහජන විශ්වාසය හැක් කළහ. විප්ලවීය වාග් මාලාවන්ගෙන් සිය ඒකාධිපති වේශය වසාගෙන ඔවුහු ප්‍රජාතන්ත්‍රවාදයම හැක් කළහ. දැන්, රජයේ බලය හොබවමින් ඔවුහු මහා භාණ්ඩාගාරය ම හැක් කරමින් සිටිති. එය වචනයේ පරිසමාප්ත අර්ථයෙන්ම මහ දහවල් කොල්ලයකි.රනිල් හාමුගේ උපදේශකයන් තුරුල්ලේ ඉඳගෙන කළු කඩ බිලියනපතියන් එක්ක කරන ආර්ථික, සංස්කෘතික, ආගම, සභ්‍යත්වයට එරෙහිව කරන පාපතර කොල්ලයකි.

දිලිත් ජයවීර සිය දේශපාලන ගමන ආරම්භයේ දී ම ජවිපේ විරෝධී ස්ථාවරයක සිටියේ එබැවිනි. එය ජනප්‍රිය මාවතක් වූ නිසා නොව, එය අතිශය අවදානම් සහගත වූ බැවිනි. අන් අය දැකීමට බිය වූ සත්‍යය ඔහු දුටුවේ ය. ඔවුන් ප්‍රතිසංස්කරණවාදීන් නොවන බවත්, ඔවුන් යනු නව වෙස්මුහුණු පැලඳගත් එම පැරණි "හැකර්වරුන්" ම බවත් ඔහු තේරුම් ගත්තේ ය. ඔහු දැන් එම සටන තීරණාත්මක මාවතකට අවතීර්ණ කර ඇත. මෙය හුදු තනි දූෂණ වංචා හෙළි කිරීමක් පමණක් නොවේ. සදාචාරාත්මක විකල්පයක් ලෙස පෙනී සිටින පක්ෂයක ක්‍රමානුකූල දූෂිත ස්වභාවය නිරාවරණය කිරීමකි.

රටම දැන් සත්‍යය දනී. මෙම පාලනය ගොඩනැගී ඇත්තේ අසත්‍යය මත ය; ක්‍රියාත්මක වන්නේ අකාර්යක්ෂමතාව මත ය; පවතින්නේ රැවටීම මත ය; ඔවුන්ගේ පොරොන්දු දුන් සැණින් කල් ඉකුත් වෙයි. ඔවුන්ගේ පැහැදිලි කිරීම් පිළිතුරු නොව, වැරදි වසා ගැනීමට ඉදිරිපත් කරන මවාපෑම් පමණි. දැන් ජනතාව ඒකරාශී විය යුතු කාලය යි. තවත් එක් දූෂිත දේශපාලන පක්ෂයක් වටා නොව, "හැක් කිරීම" පාලන තන්ත්‍රය කරගත් ක්‍රමයට එරෙහිව ජනතා ව්‍යාපාරයක් වටා ය.

දිලිත් පෙරමුණ ගනු ඇත. ඒ පිළිබඳ සැකයක් නැත. බලවත් දේශපාලන බලවේගයන්ට එරෙහිව හුදකලාව නැගී සිටි එදවස පටන් ඔහු සිටියේ පෙරමුණේය. අන් අය බියෙන් නිහඬ වෙද්දී ඔහු සත්‍යය වෙනුවෙන් පෙනී සිටියේය.

නවම් මීගොඩ