V2025

විනෝදාස්වාද

ඉන්දීය සිනමාවේ පුරෝගාමියකු වූ දිලීප් කුමාර් අභාවප්‍රාප්ත වෙයි

ඉන්දීය සිනමාවේ පුරෝගාමියකු වූ ජනප්‍රිය නළු දිලීප් කුමාර් අභාවප්‍රාප්ත වී තිබේ.

හෘදයාබාධයක් හේතුවෙන් රෝහල් ගතකර සිටි ඔහු මියයන විට වයස අවුරුදු 98 කි.

අධි රුධිර පීඩනය සහ ස්වසන අපහසුතා නිසා දිලිප් කුමාර් රෝහල් ගත කර තිබුනේ මීට සතියකට පමණ පෙර ය.

1921 දී පකිස්ථානයේ ටෙෂාවෝර්හිදී උපත ලද ඔහු මොහොමඩ් යූසුප් ඛාන් වන අතර පසුව බොලිවුඩ් සිනමානවට එක්වීම සඳහා දිලීප් කුමාර් ලෙසින් නම වෙනස් කළේය.

1950 සහ 1960 ඛේදාන්ත චරිත රඟපෑ ඔහු ෆිල්ම් ෆෙයාර් සම්මාන 08ක් දිනා ගැනීමට සමත්විය.

ඉන්දියාවේ ඉහළ මන්ත්‍රී මණ්ඩලයේ මන්ත්‍රීවරයෙකු ලෙස ද දිලිප් කුමාර් කටයුතු කළේය.

දශක 6ක් දිගු සිනමා දිවිය ඔහු ආරම්භ කරන්නේ 1944 දී 'ජවාර් භාතා' චිත්‍රපටයේ රංගනයත් සමඟ ය. එතැන් පටන් 1998 තෙක් සිනමාපට 65කට වැඩි ප්‍රමාණයක් සඳහා ඔහු රංගනයෙන් එක් වී තිබුණි.

'අන්දාස්' (1942), 'ආන්' (1952), 'දාග්' (1952), 'දේව්දාස්' (1955), 'අසාද්' (1955), 'නයා දර්' (1957), 'මධුමති (1958) 'මෝගල් ඊ අසාම්' (1960), කොහීනුර් (1960), 'ගංගා ජමුනා' (1961), ලීඩර් (1964), 'රාම් ඕ ශ්‍යාම්' (1967) යන සිනමාපටවල දිලිප් කුමාර්ගේ රංගනය ඒ අතරින් කැපී පෙනුනි.

පළමු ෆිල්ම් ෆෙයාර් සම්මාන උළෙලේ හොඳම නළුවා ලෙස සම්මානයට පාත්‍ර වූයේ දිලිප් කුමාර්ය. ඒ දාග් සිනමාපටයේ රංගනය වෙනුවෙනි.

ඉන්පසු දේව්දාස්, අසාද්, නයා දර්, කොහීනුර්, ලීඩර්, රාම් ඕ ශ්‍යාම්, ශක්ති යන සිනමාපටවල රංගනය වෙනුවෙන් හොඳම නළුවාට හිමි ෆිල්ම්ෆෙයා සම්මාන ඔහු දිනා ඇත.

චිත්‍රපට නිෂ්පාදකවරයකු ලෙස ද කටයුතු කළ ඔහු 1991 වසරේ පද්ම භූෂන්, 2015 දී පද්ම විභූෂණ සම්මානවලින් ද පිදුම් ලැබුවේය.

දිලිප් කුමාර්ගේ වියෝව සැලැවීමත් සමඟ ඉන්දීය අගමැති නරේන්ද්‍ර මෝදි, බොලිවුඩ් රංගන ශිල්පින්, ශිල්පිනියන් රැසක් සමාජ මාධ්‍ය ඔස්සේ සිය ශෝකය පළ කර තිබේ.

ප්‍රවීණ නර්නත ශිල්පී කුලසිරි බුදවත්ත අභාවප්‍රාප්ත වෙයි

ප්‍රවීණ නර්තන ශිල්පී කුලසිරි බුදවත්ත අභාවප්‍රාප්ත වූ බව ඒ මහතාගේ පවුලේ ඥාතීන් විසින් දැනුම් දී තිබේ.

මියයන විය ඒ මහතා 71 වන වියේ පසුවිය.

උඩරට සහ පහතරට නර්තන සම්ප්‍රදායන් දෙකෙහිම විශේෂඥතාවක් දැක්වූ කුලසිරි බුදවත්ත මහතා මෙරට නර්තන කලාවේ ප්‍රගමනයට ඉමහත් දායකත්වයක් සැපයූ ප්‍රවීණ නර්තන ශිල්පියෙකි.

ඉතාලිය අවසන් පූර්ව වටයට !

EURO Cup 2020 යුරෝපා කුසලානයේ අවසන් පූර්ව වටයේ තරගයට ඉතාලි පාපන්දු කණ්ඩායම හා ස්පාඤ්ඤ කණ්ඩායම මේවන විට සුදුසුකම් ලබමින් අද දින රාත්‍රී 21.00 එංගලන්තයේ වෙම්බ්ලි ක්‍රීඩාංගණයේදී තරඟ වැදීමට සියල්ල සූදානමින්.

ගෝලීය වසංගතයක් වෙමින් ලොවම වෙලාගත් කොරෝනා වෛරසයට යුරෝපයේ පාපන්දු උන්මාදය යටපත් කළ නොහැකි වූ බව ලොවටම හඬගා කියමින් අද රාත්‍රිය ග්‍රීෂ්ම ඍතුවේ වඩාත් උණුසුම්ම රාත්‍රිය බවට පත්වෙමින් පවතී.

පසුගිය ජයග්‍රහණය සමගින් ඉතාලි පාපන්දු කණ්ඩායම ඉතා හොඳ මානසික හා ශාරීරික යෝග්‍යතාවයකින් තරඟයට සූදානම් බවයි වැඩිදුරටත් ඔවුන් පැවසුවේ.

සුමුදු මද්දුමආරච්චි

මිලානෝ,

ඉතාලිය.

WhatsApp Image 2021 07 06 at 12.02.07

WhatsApp Image 2021 07 06 at 12.02.07 1

“චේ” පරිවර්තනය කළ මාලිනී ගෝවින්නගේ සමුගනියි

‘අර්නස්ට් චේ ගුවේරා’ කෘතිය ඇතුළු කෘති ගණනාවක් පරිවර්තනය කළ ප්‍රවීණ සාහිත්‍යවේදිනියක්, පුවත්පත් කලාවේදිනියක්, ලේඛිකාවක්, මෙන්ම කිවිඳියක් වූ මාලිනී ගොවින්නගේ මෙනවිය අද (21) අභාවප්‍රාප්ත විය.

‘ෆොන්ටමාරා’, ‘තැනිතලාවේ දේවතාවිය’, ‘අර්නස්ට් චේ ගුවේරා’, ‘මෝටර් බයිසිකල් දිනපොත’, ‘බොලීවියානු දිනපොත’, ‘මගේ පිකාසෝ’, ‘මා හද සඟවන්’, ‘කිවිඳ හදට එබී බලන්’, ‘හිම පාත්ති’, ‘පා සටහන් නැති දේවියෝ’, ‘අකීකරු මුහුදු ලිහිණියා’, ‘හඬනු පෙම්බර දේශය’, ‘වීදි හාදුව’, ‘ඉන්කා’, ‘දූවිලි දේදුන්න’, ‘දිවි අරුත’, ‘සන්ටිසුගේ යුද කලාව’, ‘මට මතක බීතෝවන්’ ආදී පරිවර්තන හා අනුවාද කෘති ගණනාවක් ඇය රචනා කළාය.

ඇය පරිවර්තනය කරන ලද “රළ” නමැති කෘතිය වෙනුවෙන් 2015 වසරේ පැවැති රාජ්‍ය සාහිත්‍ය සම්මාන උළෙලේ දී හොඳම සිංහල පරිවර්තන විවිධ විෂය කෘතියට හිමි සම්මානයද පිරිනැමිණි.

සීමාසහිත එක්සත් ප්‍රවෘත්ති පත්‍ර සමාගමෙහි (ලේක් හවුස්) ඩේලි නිව්ස් සිළුමිණ, තරුණි ආදී පුවත්පත්වල මාධ්‍යවේදිනියක ලෙස සේවය කළ මාලිනී ගෝවින්නගේ මෙනවිය ඉන් විශ්‍රාමයාමෙන් අනතුරුවද නිදහස් මාධ්‍යවේදිනියක, ශාස්ත්‍රීය හා විචාර ලිපි ලේඛිකාවක ලෙස මෙන්ම ග්‍රන්ත පරිවර්තිකාවක ලෙසද කටයුතු කළාය.

ලේක් හවුස් ආයතනයෙහි වාර්ෂික බෞද්ධ ප්‍රකාශනයක් වන බුද්ධ ප්‍රදීප සඟරාවේ ආරම්භක කතුවරිය වූ ඇය ජාතික පුස්තකාලය මඟින් ප්‍රකාශයට පත් කෙරෙන ප්‍රලේඛා සඟරාවේ සංස්කාරකත්වයද දැරුවාය.

විද්‍යාංලංකාර විශ්වවිද්‍යාලයේ උපාධිධාරිනියක වන මාලිනී ගෝවින්නගේ මෙනෙවිය ඇමරිකාවේ මිචිගන් සරසවියෙන් පුවත්පත් කලාව පිළිබඳ ඩිප්ලෝමාවක්ද හදාරා ඇත.

ප්‍රසිද්ධ රැගුම් පාලක මණ්ඩල සාමාජිකාවක ලෙස දිගු කාලයක් කටයුතු කළ ඇය අශෝක හඳගම මහතාගේ ‘අක්ෂරය’ චිත්‍රපටයට අධිකරණයට ගෙන ගිය මොහොතේ තනතුරු අත්හැර ඊට සිය විරෝධය පෑවාය.

කලක් පිළිකා රෝගයෙන් පීඩා විඳි ඇය විකිරණ ප්‍රතිකාරය පවා ප්‍රතික්ෂේප කළාය.

රිචඩ් ද සොයිසා මාධ්‍ය සංකීර්ණයේ ජීවත් වූ ඇය අභාවප්‍රාප්ත වූයේ තම උපන් ගම වූ කුරුණෑගල දිස්ත්‍රික්කයේ දුම්මලසූරිය ග්‍රාමයෙහිය.

පවුලේ සාමාජිකයන් විසින් අවසන් කටයුතු පසුව දැනුම් දීමට නියමිතය.

lankatruth

Page 35 of 36