විනෝදාස්වාද

උගන්ඩාව යනු එල්ජීබීටී+ අයිතිවාසිකම්වලට නෛතිකභාවයක් ලබා නොදුන් රටවල් අතර නිතර දෙවේලේ කියවෙන රාජ්‍යයකි. සමලිංගික ලිංගික ක්‍රියා නීති විරෝධී උගන්ඩාව සංක්‍රාන්ති සමාජභාවී ප්‍රජාව සලකනු ලබන්නේ හුදෙක් ලිංගික වෘත්තියේ යෙදෙන පිරිසක් ලෙසය.

කෙසේවෙතත්, උගන්ඩාව තුළ හැරවුම් ලක්ෂයක් සනිටුහන් කරමින් තම ස්ත්‍රී-පුරුෂ සමාජභාවයට ගැලපෙන ජාතික හැඳුනුම්පතක් ලබා ගැනීමට එරට සංක්‍රාන්ති සමාජභාවී කාන්තාවක් සමත් වී තිබේ.

ඇය නමින් ක්ලියෝපැට්රා කම්බුගු ය. 35 හැවිරිදි ක්ලියෝපැට්රා නීත්‍යානුකූලව කාන්තාවක් ලෙස හඳුනාගනිමින් එරට රජයෙන් ජාතික හැඳුනුම්පතක් නිකුත් කර තිබේ. ඒ අනුව, උගන්ඩාවේ සංක්‍රාන්ති සමාජභාවී අනන්‍යතාවයක් දරන පුද්ගලයකු තම ස්ත්‍රී-පුරුෂ සමාජභාවයට ගැලපෙන ජාතික හැඳුනුම්පතක් ලබාගත් ඉතිහාසයේ පළමු අවස්ථාව මෙයයි.

ක්ලියෝපැට්රා සංක්‍රාන්ති සමාජභාවී ප්‍රජාව, අන්තර්ලිංගික ප්‍රජාව, ලිංගික වෘත්තියේ යෙදෙන පුද්ගලයන් සහ ස්ත්‍රි-පුරුෂ සමාජභාවයේ ද්වි-අනන්‍යතාවයෙන් පිටත (නැතහොත් නන්-බයිනරි) අනන්‍යතා හඳුනා ගන්නා ප්‍රජාව වෙනුවෙන් කටයුතු කරන මානව හිමිකම් ක්‍රියාකාරිනියකි.

කුඩා කල පටන් තමා වෙනස් බව හඳුනාගත් ක්ලියෝපැට්රා පවුලේ සාමාජිකයන් ඇතුළු සමාජයේ බොහෝ ඒකක වල විවිධ අන්දමේ වෙනස්කොට සැලකීම් වලට ලක්ව තිබේ. ක්ලියෝපැට්රා ජාත්‍යන්තර අවධානය දිනා ගන්නේ 2016 වර්ෂයේ නිකුත් වූ ද පර්ල් ඔෆ් ඇෆ්රිකා නම් සංක්‍රාන්ති සමාජභාවය වස්තුවිෂය කොටගත් චිත්‍රපටය හරහා යි.

අප්‍රිකානු මහද්වීපය තුළ සංක්‍රාන්ති සමාජභාවී ප්‍රජා අයිතිවාසිකම් සුරක්ෂිත කිරීමේ සටනේ දිගටම නිරත වන ක්ලියෝපැට්රා අවධාරණය කරන්නේ සමලිංගිකත්වය සාපරාදී වරදක් ලෙස හඳුනාගන්නා උගන්ඩාව ඇතුළු අප්‍රිකානු රටවල සිදුකිරීමට බොහෝ ප්‍රතිසංස්කරණ තිබෙන බවයි.

ඒ වෙනුවෙන් තමා දිගටම සටන් කරන බව ක්ලියෝපැට්රා සඳහන් කළාය.

Outbound Today

යූ ටියුබ් සමාජ මාධ්‍ය ඔස්සේ වැඩිම අනුගාමිකයින් පිරිසක් හිමි ශ්‍රී ලංකාවේ ප්‍රථම ගායිකාව ලෙස නව පරපුරේ ගායිකා යොහානි ද සිල්වා අද(16) වාර්තාවක් තැබුවාය.

ඒ අනුව යොහනි ගේ යූ ටියුබ් චැනලයේ සමස්ත අනුගාමිකයන් ( ෆෙලොවර්ස්) සංඛ්‍යාව අද (16) දිනයේ ලක්ෂ තුන සීමාව පසු කළේය.

මීට පෙර අනුගාමිකයින් වැඩිම පිරිසක් සහිත ලාංකිකයෙකු සතු යූ ටියුබ් චැනලය වූයේ ඉවුම් පිහුම් කලාව කියා දෙන "අපේ අම්මා " යූ ටියුබ් චැනලයි.

ලොව පුරා කෝටි 15.5 ක නැරඹුවාර හිමි "මැණිකේ මගේ හිතේ " ගීතය ප්‍රතිගායනා කිරීම හරහා ඉන්දියාව , නේපාලය , බංග්ලාදේශය ඇතුළු ලොව පුරා අතිශය ජනප්‍රිය වූ යොහානී ට ලැ⁣බෙන රසික ප්‍රතිචාර හේතුවෙන් ඇයගේ යූ ටියුබ් චැනලයේ අනුගාමිකයින් ලක්ෂ තුන පසු කීරීමට සමත් වී ඇත.

එම ගීතයේ ජනප්‍රියත්වය හේතුවෙන් ඇය මේවන විට ඉන්දියාවේ සංගීත ප්‍රසංග 2ක් පැවැත්වූ අතර ඉදිරියේදී ඕමානයේ සහ ඩුබායි හී නව ප්‍රසංග 2 ක් සදහා ඇයට ආරාධනා ලැබී ඇත.

ඉන්දියාවේ ලැබූ ජනප්‍රියත්වය නිසාම ඇය ලෝකයේ වැඩිම යූ ටියුබ් අනුගාමිකයන් සහිත ඉන්දියාවේ ටී සීරිස් ආයතන සමගද සංගීත කටයුතු සදහා ගිවිසුම් ගත වී ඇත.ඒ අනුව ඇය සිය පලමු බොලිවුඩ් ගීත ගායනයටද ඉකුත් 04 පිවිසියාය."ෂිද්දත්" නැමති බොලිවුඩ් චිත්‍රපටයේ පසුබිම් ගීතයේ කාන්තා අනුවාදන ගීය වූ එය ද මේ වන විට කෝටියක් නරඹා අවසානය.

lankadeepa

ගීත රචක, කිවියර රවී සිරිවර්ධනට ජපානයේ බුන්කා සම්මානය හිමව තිබේ.

ඒ ඔහු ගීත රචකයෙක් හා කවියෙක් ලෙස නව පරපුර තුළ ප්‍රකට කළ සුවිසෙස් ප්‍රතිභාව වෙනුවෙනි.

සම්මාන ප්‍රදානය ජපාන තානාපතිවරයාගේ ප්‍රධානත්වයෙන් තානාපති නිල නිවසේදී සිදු කෙරිණි.

වාර්ෂිකව ඉතා උත්කර්ෂවත් ලෙස පැවැත්වෙන සම්මාන උළෙල කොවිඩ් වසංගත තත්වය හේතුවෙන් මෙවර නොපැවති අතර සම්මාන පිරිනැමීමේ උත්සවය සම්මානලාභීන්ට පමණක් සීමා විය.

ක්ෂේත්‍ර පහක් යටතේ සම්මාන පිරිනැමුණු අතර රංගනය වෙනුවෙන් සමනලී ෆොන්සේකාටත් වේදිකා නාට්‍ය වෙනුවෙන් චාමික හත්තලවත්තටත් බුන්කා සම්මානය හිමි විය.

මෙරට ජපාන තානාපති කාර්යාලය, ජපන් මිත්‍රත්ව පදනම ඇතුලු සංවිධාන කිහිපයක් විසින් බුන්කා සම්මාන උළෙල වාර්ෂිකව පවත්වන්නේ ශ්‍රී ලංකාව සහ ජපානය අතර අන්‍යෝන්‍ය මිත්‍රත්වය වර්ධනය කිරීමේ අරමුණෙනි.

මෙම සම්මාන ප්‍රදානෝත්සවය 1993 වසරේදී ආරම්භ කෙරිණි.

‘මැණිකේ මගේ හිතේ’ ගීතයෙන් ලොව පුරා රටවල් රැසක ජනාදරයට පත්වූ යොහානි ද සිල්වා ඉන්දීය සුපිරි නළු සල්මන් ඛාන් සමග සජීවි රූපවාහිනි වැඩසටහනක් සඳහා සහභාගී වී තිබේ.

ඉන්දීය ප්‍රේක්ෂකයින් අතර ඉතා ජනප්‍රිය වැඩසටහනක් වන “Bigg Boss15” නමින් හැඳින්වෙන එම වැඩසටහනේ දී යොහානි සමඟ සල්මන් ඛාන් ‘මැණිකේ මගේ හිතේ’ ගීතය ගායනා කරන අයුරු දැක්වෙන වීඩියෝ දර්ශන ඉන්දීය මාධ්‍ය වාර්තා කර ඇත.

ඉන්දීය “Bigg Boss” වැඩසටහන සඳහා යොහානි ආරාධිතයෙකු ලෙස සහභාගී වී ඇති අතර එහිදී පටිගත කරන ලද දර්ශන පෙළක් මේ වන විටත් අන්තර්ජාලයට යොමුකර තිබේ.

අද රාත්‍රී 9.30ට ඉන්දියාවේ “colorstv” චැනලය ඔස්සේ යොහානි සහභාගී වූ එම වැඩසටහන නැරඹීමට ප්‍රේක්ෂකයින්ට අවකාශ හිමිවනු ඇත.