මහාචාර්ය ජී.එල්. පීරිස් විසින් රචිත 'The Sri Lanka Peace Process' (ශ්රී ලංකා සාම ක්රියාවලිය) කෘතිය පිළිබඳව වන් ටෙක්ස්ට් ඉනිෂියේටිව් (One Text Initiative) ආයතනය විසින් ඊයේ (12 වනදා) ශ්රී ලංකා පදනම් ආයතනයේ දී සංවිධානය කරන ලද සුවිශේෂී සම්මන්ත්රණයට සහභාගී වීමට මට අවස්ථාව ලැබුණි.
සිය පෘථුල නීතිමය දැනුම පිළිබඳව ප්රසිද්ධියක් උසුලන මහාචාර්ය පීරිස්, මෙවර ඉතිහාසඥයකු ගේ භූමිකාවට පිවිසෙමින් ශ්රී ලංකාවේ නූතන ඉතිහාසයේ තීරණාත්මක යුගයක් ලේඛනගත කර ඇත. එල්.ටී.ටී.ඊ. (LTTE) සංවිධානය සමග පැවති සාම ක්රියාවලිය බිඳ වැටීමට හේතු වූ කරුණු පිළිබඳව විවෘත විශ්ලේෂණයක් මෙම පොත මගින් ඉදිරිපත් කරනු ලබයි.
මගේ අදහසට අනුව, මෙම සාම ක්රියාවලිය බිඳ වැටුණේ එල්.ටී.ටී.ඊ. සංවිධානය වෙනම රාජ්යයක් ඉල්ලා සිටි බැවිනි. රට බෙදා සාමය ලබා ගැනීම යනු හුදෙක් 'සොහොන් කොතේ සාමයකි'. මෙම කෘතිය මගින් මා දරන එම මතය තහවුරු කරනු ලැබ ඇත.
සාම සාකච්ඡාවල සක්රීය පාර්ශවකරුවකු වූ මහාචාර්ය පීරිස්, සමබර සහ මධ්යස්ථ ඓතිහාසික විවරණයක් ඉදිරිපත් කරන අතර, ශ්රී ලාංකීය දේශපාලනය පිළිබඳ උනන්දුවක් දක්වන ඕනෑ ම අයෙකු අනිවාර්යයෙන් ම කියවිය යුතු පොතක් ලෙස මෙය හැඳින්විය හැකි ය.
කරූ පරණවිතාන
