අතුරු සම්මත ගිණුමට ජවිපෙ විරුද්ධ වෙයි !

අද (21) ජනමාධ්‍ය අමාත්‍ය මංගල සමරවීර ඉදිරිපත් කළ අතුරු සම්මත ගිණුමට විරුද්ධව ජන්දය භාවිතා කරන බව ජනතා විමුක්ති පෙරමුණ පවසයි.

රාජ්‍ය සේවක වැටුප් වැඩි නොකිරීම, ජනාධිපති සඳහා අධික මුදලක් වෙන් කිරීම, වතු සේවක වැටුප් වැඩි නොකිරීම ඇතුළු හේතු කිහිපයක් මත මේ තීන්දුව ගන්නා බව එම පක්ෂයේ නායක පාර්ලිමේන්තු මන්ත්‍රී අනුර කුමාර දිසානායක පැවසීය.

අද පාර්ලිමේන්තුවේදී අදහස් දක්වමින් ඔහු මේ බව පැවසූ අතර අතුරු සම්මත ගිණුම සඳහා නොව ජනවාරි මාසයේ මූලික වියදම් සඳහා පමණක් වියදම් වෙන් කරන ආකාරයට සංශෝධන ගෙන ඒමට කටයුතු කරනවා නම් තමන් ඊට පක්ෂ බවද ඔහු පැවසීය.