නොවැම්බර් මස අග භාගයේදී ශ්රී ලංකාවට කඩාවැදුණු 'දිට්වා' සුළි කුණාටුව හේතුවෙන් ඇති වූ ගංවතුර සහ නාය යෑම් නිසා මෙරට රැකියා නියුක්තිකයන් 374,000කට පමණ සිය ජීවනෝපාය අහිමි වී හෝ දැඩි බලපෑමකට ලක්ව ඇති බව ජාත්යන්තර කම්කරු සංවිධානය (ILO) පවසයි.
බලපෑමට ලක්වූ රැකියා නියුක්තිකයන් නැවත රැකියා අවස්ථා නොලැබුණහොත් මසකට අමෙරිකානු ඩොලර් මිලියන 48ක (රුපියල් බිලියන 14කට අධික) ආදායමක් රටට අහිමි වීමේ අවදානමක් පවතින බව එම සංවිධානය සඳහන් කරයි.
මෙම ව්යසනය හේතුවෙන් රටේ සමස්ත දළ දේශීය නිෂ්පාදිතයෙන් සියයට 16ක් පමණ අවදානමට ලක්ව ඇති බවට එම සංවිධානය ගණන් බලා ඇත.
මධ්යම කඳුකරයට බලපෑ නාය යෑම් හේතුවෙන් තේ නිෂ්පාදනය සියයට 35කින් පමණ පහත වැටිය හැකි බවට ඇස්තමේන්තු කර තිබේ.
මෙයින් වැඩිම බලපෑමක් එල්ල වී ඇත්තේ කුඩා තේ වතු හිමියන්ටය.
එමෙන්ම මෙරට වී වගා කරන බිම් ප්රමාණයෙන් සියයට 23ක් පමණ ගංවතුරෙන් විනාශ වී ඇති අතර, උතුරු සහ නැගෙනහිර වෙරළබඩ ප්රදේශවල ධීවර ප්රජාවට ද මෙමගින් දැඩි හානි සිදුව තිබේ.
(hirunews)
