අද දින මාතලේ ආපදාවෙන් පීඩාවට පත් පදිංචිකරුවන් බැලීමට ගිය ශ්රී ලංකා පොදුජන පෙරමුණේ (SLPP) ජාතික සංවිධායක සහ පාර්ලිමේන්තු මන්ත්රී නාමල් රාජපක්ෂ ට විරෝධය පළකළ තරුණයෙකු අවසානයේ නාමල් රාජක්ෂව වැලඳ ගනිමින් ඔහුගේ කතාව නිවැරදි බව පිලිගත්තේය.
මෙම සිදුවීම සිදු වූයේ මාධ්ය හමුවක් අතරතුරදීය.
තරුණයා හඬ නඟා ප්රදේශයේ ඉඩම් පරීක්ෂා කිරීම් ‘දිනේෂ් අයියා’ නමින් හැඳින්වෙන පුද්ගලයෙකු විසින් සිදු කර ඇති බව ප්රකාශ කළේය. හඳුනාගත් ආරක්ෂිත ඉඩම් කට්ටි සියල්ලම මෙම පුද්ගලයා විසින් තෝරාගෙන ඇති බවට ඔහු පැවසූ අතර, “අපිට අපේ එකා ඉන්නවා” යනුවෙන්ද පැවසීය.
නාමල් රාජපක්ෂ තරුණයා පසෙකට කැඳවා ඔහු නව නිවසකට යාමට කැමතිද සහ එසේ කිරීමට ඔහුට කිසියම් විරුද්ධත්වයක් තිබේද යන්න විමසීය. අන් අයට සවන් දීමේ වැදගත්කම පිළිබඳව ඔහු තරුණයාට උපදෙස් දුන් අතර, ව්යසනයෙන් පසු පදිංචිකරුවන් මුහුණ දෙන දුෂ්කරතා පිළිබඳව තමා දන්නා බවද පැවසීය.
රාජපක්ෂ මන්ත්රීවරයා වටා සිටි ආධාරකරුවන් තරුණයා පලවා හැරීමට උත්සාහ කළත් නාමල් රාජපක්ෂ මැදිහත් වී තත්වය උත්සන්න වීම වළක්වා, අවතැන් වූ පවුල් සඳහා වඩා හොඳ අනාගතයක් සහතික කිරීම සඳහා සාමූහිකව කටයුතු කිරීමේ අවශ්යතාවය අවධාරණය කළේය.
“ඔබ ඔබේ දිනේෂ් අයියා ගැන බලාගන්න, මම මගේ දේශපාලනය කරන්නම්. නමුත් අපට මෙම පුද්ගලයින් මාස ගණනක් අවතැන් වූ කඳවුරුවල තබා ගන්න බෑ අපට විසඳුමක් සොයාගත යුතුයැයි නාමල් රාජපක්ෂ පැවසීය.
ජනාධිපතිවරයාගේ හෝ රජයේ ඕනෑම අඩුපාඩුවක් පාර්ලිමේන්තුවේදී මතු කළ යුතු බවත්, මෙම ස්ථානයේ තර්ක කිරීමට අවශ්ය නොවන බවත් ඔහු තවදුරටත් ප්රකාශ කළේය. වගකීම තීරණය කිරීම සඳහා තේරීම් කමිටුවක් පත් කළ යුතු බව ඔහු තරුණයාට පැවසූ අතර, එවැනි ක්රියාවලියක් අවසන් වන තුරු කිසිදු නිගමනවලට එළඹිය නොහැකි බව සඳහන් කළේය.
“මගේ දේශපාලනය වෙනස්, මම කිසිවෙකුට දොස් කියන්නෙ නෑ. තර්ක කිරීමට මෙය ස්ථානය නොවේ. පළමුව, අපි මෙම පුද්ගලයින් ඔවුන්ගේ නිවෙස්වලට ආපසු යැවිය යුතුයි. ඉන්පසු අපට දෙපැත්තකින් දේශපාලනයේ යෙදිය හැකිය,” යනුවෙන් නාමල් රාජපක්ෂ වැඩිදුරටත් පැවසීය.
පසුව තරුණයා මන්ත්රී රාජපක්ෂගේ ප්රකාශයට එකඟ වූ අතර, පසුව දෙදෙනා වැළඳ ගැනීමෙන් සිද්ධිය අවසන් විය.
