මෙවර උසස්පෙළ විභාගයේ, කෘෂි විද්‍යාව පළමු ප්‍රශ්න පත්‍රයත් අවලංගු කර තිබේ.
ඒ , එම ප්‍රශ්න පත්‍රයේ ප්‍රශ්න කිහිපයක් ද විභාගයට පෙර පිටවී ඇති බවට අනාවරණය වීමත් සමගයි.
මේ හේතුවෙන් කෘෂි විද්‍යාව 1 සහ 2 කොටස් යන ද්විත්වයම නැවත පැවැත්වීමට විභාග දෙපාර්තමේන්තුව තීරණය කර ඇත.
ඒ අනුව උසස්පෙළ කෘෂි විද්‍යාව ප්‍රශ්න පත්‍රයේ දෙවන කොටස පෙබරවාරි 01 වන බ්‍රහස්පතින්දා උදෑසන 08.30 සිට 11.40 දක්වා පැවැත්වීමට නියමිතයි.
පළමු කොටස පෙබරවාරි 01 වැනිදාම පස්වරු 01.00 සිට 3.00 දක්වා පැවැත්වෙනු ඇත.
උසස් පෙළ විභාගයේ කෘෂි විද්‍යාව දෙවැනි ප්‍රශ්න පත්‍රය පසුගිය 12 වැනිදා අවලංගු කෙරුණි.