මත්ද්‍රව්‍ය ජාවාරම්කරුවන් සහ පාතාල අපරාධ කල්ලි සාමාජිකයන් අත්අඩංගුවට ගැනීම සඳහා දිවයින පුරා ක්‍රියාත්මක කර ඇති "යුක්තිය" මෙහෙයුම අද (27) සිට යළි ක්‍රියාත්මක වන බව පොලිස් මූලස්ථානය පවසයි.
උත්සව සමයේ නිලධාරීන් වැඩි පිරිසක් විශේෂ රාජකාරියේ යෙදවීම සඳහා මෙම මෙහෙයුම පසුගිය (24) දින සිට සීමා කර තිබුණි.
ඒ අනුව පොලිස් මූලස්ථානය පවසන්නේ උත්සව සමය හේතුවෙන් සීමා කළ මෙහෙයුම අද සිට පෙර පරිදි සිදුවන බවයි.
යුක්තිය මෙහෙයුමේදී මේ දක්වා 13,600ට අධික සැකකරුවන් පිරිසක් අත්අඩංගුවට ගෙන ඇති බවත් පොලිස් මාධ්‍ය වාර්තා පවසයි .
