විපක්ෂ නායක සජිත් ප්රේමදාස නිවාස අමාත්යධූරය දැරූ කාලයේදී එම අමාත්යංශයේ සිදුව ඇතැයි කියනු ලබන වංචා හා දූෂණ සම්බන්ධව විගණන වාර්තා 2ක් පාර්ලිමේන්තුවේදී සභාගත කර ඇති බව වාර්තා වෙයි.
වාර්තා වන ආකාරයට ආණ්ඩු පක්ෂයේ ප්රධාන සංවිධායක , අමාත්ය ප්රසන්න රණතුංග විසින් ඊයේ (03) පාර්ලිමේන්තුවේදී එම විගණන වාර්තා සභාගත කර ඇත.
මේ ආකාරයට සභාගත කර තිබෙන්නේ විපක්ෂ නායකවරයා නිවාස අමාත්යධූරය දැරූ 2017 වසරේ සිට 2019 වසර දක්වා කාලයේදී හම්බන්තොට දිස්ත්රික්කයේ වීරකැටිය කලාප කාර්යාලය මගින් නිවාස ණය හා ආධාර නිකුත් කිරීම, හිස් ඉඩම් බැහැර කිරීමේදී සිදුකර ඇති වැරදි හා අක්රමිකතා සම්බන්ධ වාර්තාය.
එමෙන්ම 2016 වසරේ සිට 2019 වසර දක්වා කාලය තුළ නිවාස ගම්මාන වෙනුවෙන් මුද්රණය කළ පෝස්ටර්, ආරාධනා පත්ර සහ සමරු කලාප සම්බන්ධ පරීක්ෂණ වාර්තාව ද නාගරික සංවර්ධන හා නිවාස අමාත්යංශයේ වැය ශීර්ෂය පිළිබඳ ස්තූති කතාව සිදුකරමින් ප්රසන්න රණතුංග අමාත්යවරයා සභාගත කර තිබේ.
