සර්ව පාක්ෂික රජයක් පිහිටුවීමට එකඟත්වයක් ඇතිවූ වහාම, එකී පාර්ශ්වය වෙත වගකීම් භාර දීමට තමන් සූදානම් බව අග්රාමාත්ය රනිල් වික්රමසිංහ ඇතුළු කැබිනට් මණ්ඩල සාමාජිකයින් පවසයි.
අග්රාමාත්ය රනිල් වික්රමසිංහ, අමාත්ය මණ්ඩලයේ පිරිසක් සමඟ අද (11) පෙරවරුවේ අග්රාමාත්ය කාර්යාලයේ දී විශේෂ සාකච්ජාවක් පවත්වා ඇත.
මෙකී සාකච්ඡාවට සහභාගී වූ සියලුම අමාත්යවරුන්ගේ අදහස වී ඇත්තේ සර්ව පාක්ෂික රජයක් පිහිටුවීමට එකඟත්වයක් ඇතිවූ විගස, නව රජයට වගකීම් භාර දීම ය.
එසේ නොවුණුහොත් රට අරාජික විය හැකි බව ඔවුන්ගේ අදහසවී ඇති බවත් වාර්තා වෙයි .
ඒ අනුව වත්මන් කැබිනට් මණ්ඩලය සර්ව පාක්ෂික ආණ්ඩුවක් පිහිටුවන තෙක් කටයුතු කරනු ඇත.
අලුත් ආණ්ඩුව හදන්න අපි සූදානම්! - සජිත්
මේ අතර විපක්ෂනායක සජිත් ප්රේමදාස පවසන්නේ ආණ්ඩුවේ ජනවරම අවසන් බවත්, තමන් අලුත් ආණ්ඩුව ස්ථාපිත කිරීමට සුදානම් බවය.
මේ වන විට ඒ වෙනුවෙන් ඔවුන් විශේෂ කමිටුවක් පත්කර ඇති බවත් වාර්තා වෙයි .
