පුවත්

පාර්ලිමේන්තු මන්ත්‍රීවරියන්ගේ සංසදයේ නිල වෙබ් අඩවිය www.slwpc.org ගරු අග්‍රාමාත්‍ය මහින්ද රාජපක්ෂගේ ප්‍රධානත්වයෙන් අද (09) දින පෙරවරුවේ අන්තර්ජාලයට එක් කෙරිණි.

ජාත්‍යන්තර කාන්තා දිනය 2021 ට සමගාමීව පාර්ලිමේන්තු මන්ත්‍රීවරියන් ගේ සංසදය මෙම නිල වෙබ් අඩවිය එළි දක්වා තිබේ.

පාර්ලිමේන්තුවේ කමිටු ශාලා 01හි දී පැවති මෙම උත්සව අවස්ථාවට කතානායක මහින්ද යාපා අබේවර්ධන  ද එක්වූයේය.

සමගි ජනබලවේගයේ පාර්ලිමේන්තු මන්ත්‍රී ලක්ෂ්මන් කිරිඇල්ල, පාර්ලිමේන්තු මන්ත්‍රීවරියන්ගේ සංසදයේ සභාපති රාජ්‍ය අමාත්‍ය විශේෂඥ වෛද්‍ය සුදර්ශනී ප්‍රනාන්දුපුල්ලේ  ඇතුළු එම සංසදයේ පාර්ලිමේන්තු මන්ත්‍රීවරියෝ වෙබ් අඩවිය එළි දක්වන අවස්ථාවට එක්ව සිටියහ.