කොරෝනා ආසාදිතයන් 59ක් දක්වා ඉහළට !

මෙරට කොරොනා වෛරසය ආසාදිතයින් සංඛ්‍යාව 59ක් දක්වා ඉහළ ගොස් ඇති බව සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය අනිල් ජාසිංහ පවසයි.

කොවිඩ් 19 වෛරසය පාලනය සඳහා වන ජාතික මෙහෙයුම් මධ්‍යස්ථානයේ අද (19) පැවැත්වූ මාධ්‍ය හමුව අමතමින් ඔහු මේ බව පැවසීය.

මීට අමතරව, මේ වන විට කොරෝනා වෛරසය ආසාදනය වී ඇති බවට සැක සහිතව රෝහල්ගතව ප්‍රතිකාර ලබන රෝගීන් සඛ්‍යාව 243ක් වන බව වසංගත රෝග විද්‍යා අංශයේ වෙබ් පිටුවේ සඳහන් කර ඇත.