පුවත්

ජනාධිපති සිරිසේන  විසින් පාර්ලිමේන්තුව විසුරුවාහරිමින් නිකුත් කළ ගැසට් නිවේදනය බලරහිත කරන ලෙස ඉල්ලා ශ්‍රේෂ්ඨාධිකරණයට ඉදිරිපත් වී ඇති පෙත්සම් අද(04) දිනයේ සිට දින තුනක් අඛණ්ඩව විභාග කිරීමට නියමිතව තිබේ.

ඒ අනුව අදාල පෙත්සම් දෙසැම්බර් 4,5,6 යන තෙදින විභාග කෙරෙන අතර දෙසැම්බර් 7 වනදා එහි තීන්දුව ප්‍රකාශයට පත්කරනු ඇත.

 අගවිනිසුරු ප්‍රමුඛ සත්පුද්ගල විනිසුරු මඩුල්ලක් හමුවේ අදාළ පෙත්සම් විභාග කිරීමට නියමිතයි.    

පසුගිය නොවැම්බර් 14 වනදා  ජනාධිපතිවරයා නිකුත් කල ගැසට් නිවේදනය අත්හිටුවමින් ශ්‍රේෂ්ඨාධිකරණය අතුරු තහනම් නියෝගයක් නිකුත් කල අතර ඒ දෙසැම්බර් 07 දක්වා බලපැවැත්වෙන පරිදිය. එසේම එදින ජනාධිපති සිරිසේනගේ ගැසට් පත්‍රයට අනුව කටයුතු කිරීම වාරණය කරමින් මැතිවරණ කොමිසමටද නියෝගයක් නිකුත් කෙරිණ.