පුවත්

ත්‍රිකුණාමලය දිස්ත්‍රික් මහ රෝහලේ නව හෘද රෝග ඒකක ගොඩනැගිල්ලේ ඉදිකිරීම් ආරම්භ කිරීම ඊයෙ (16) ජනාධිපති අනුර කුමාර දිසානායක ප්‍රධානත්වයෙන් පැවැත්විණි.

නැගෙනහිර පළාතේ ජනතාවට එකම ස්ථානයකින් පුළුල් සහ නවීන හෘද රෝග සත්කාර සේවා ලබා දීමේ අරමුණින් සියලු පහසුකම්වලින් සමන්විතව මහල් 08කින් යුතුව ඉදිකෙරෙන මෙම ගොඩනැගිල්ල සදහා වැය කෙරෙන මුදල රුපියල් මිලියන 2,403කි.

නැගෙනහිර පළාතේ සෞඛ්‍ය සේවාවේ නව පරිච්ඡේදයක් ආරම්භ කිරීම උදෙසා ලබා දුන් මිත්‍රශීලී සහාය වෙනුවෙන් ජපාන රජයට සහ ජපාන ජාත්‍යන්තර සහයෝගිතා නියෝජිතායතනයටද (JICA), මෙම ව්‍යාපෘතිය සඳහා කැප වී කටයුතු කරන සෞඛ්‍ය අමාත්‍යාංශය ඇතුළු සියලු පාර්ශ්ව වෙත ද ජනාධිපතිවරයා සිය ස්තූතිය පළ කළේ ය.