දිවයිනේ පවතින උණුසුම් කාලගුණික තත්ත්වය හමුවේ සෞඛ්ය සහ ආරක්ෂක අංශ විසින් මහජනතාව වෙත විශේෂ දැනුවත් කිරීම් මාලාවක් නිකුත් කර තිබේ. අධික සූර්ය තාපය හේතුවෙන් ඇතිවිය හැකි සෞඛ්ය ගැටලු සහ අනතුරු වළක්වා ගැනීම සඳහා පහත පියවර අනුගමනය කරන ලෙස උපදෙස් දෙනු ලැබේ.
සෞඛ්යාරක්ෂිත පියවර:
හිරු එළියට නිරාවරණය වීම: විශේෂයෙන් පෙරවරු 10:00 සිට පස්වරු 3:00 දක්වා කාලය තුළ සෘජු හිරු එළියට නිරාවරණය වීම හැකිතාක් අවම කරන්න.
ප්රමාණවත් ලෙස ජලය පානය: උෂ්ණාධික කාලය තුළ ශරීරය විජලනය වීම වැළැක්වීම සඳහා වෙනදාට වඩා වැඩිපුර ජලය සහ දියර වර්ග (යෝගට්, බෙලි යුෂ, දිවුල් යුෂ) පානය කිරීමට උනන්දු වන්න.
ශ්වසන අපහසුතා: හුස්ම ගැනීමේ අපහසුවක් හෝ හදිසි අසනීප තත්ත්වයක් දැනේ නම් ප්රමාද නොවී වෛද්ය උපදෙස් ලබා ගන්න.
නිවසේ වාතාශ්රය: ගෘහස්ථ වාතාශ්රය හොඳින් පවත්වා ගැනීම සඳහා ජනෙල් දොරවල් විවෘතව තැබීමට පියවර ගන්න.
වාහන හිමියන් සඳහා ආරක්ෂිත උපදෙස්:
අධික රශ්මිය පවතින විට රථවාහන තුළ ඇති විය හැකි අනතුරු වළක්වා ගැනීමට මෙම දෑ අනුගමනය කරන්න:
අන්තරාදායක ද්රව්ය: ලයිටර්, සුවඳ විලවුන් බෝතල්, කාබනීකෘත බීම වර්ග සහ බැටරි සහිත උපකරණ වාහනය තුළ රඳවා නොතබන්න.
ඉන්ධන පිරවීම: වාහනයේ ඉන්ධන ටැංකිය සම්පූර්ණයෙන්ම (Full Tank) පිරවීමෙන් වළකින්න. සවස් කාලයේ ඉන්ධන ලබා ගැනීම වඩාත් සුදුසුය.
වාතාශ්රය: වාහනය නවත්වා තබන විට ඇතුළත රශ්මිය පිටවීම සඳහා වීදුරු ස්වල්පයක් විවෘත කර තබන්න.
ටයර් පරීක්ෂාව: ගමන් කරන අතරතුර ටයර්වල වායු පීඩනය අධික නොවන සේ පවත්වා ගන්න.
අනෙකුත් අවදානම් තත්ත්ව:
සතුන්ගෙන් ප්රවේශම් වන්න: අධික රශ්මිය නිසා ගෝනුස්සන් සහ සර්පයන් වැනි සතුන් සිසිල් ස්ථාන සොයා නිවෙස් හා ගෙවතු තුළට පැමිණිය හැකි බැවින් අවදානයෙන් සිටින්න.
විදුලි පරිභෝජනය: අධික ලෙස විදුලි උපකරණ භාවිතය මගින් පරිපථ පටවා ගැනීම (Overload) වළක්වා ගන්න. වායු සමීකරණ යන්ත්ර (AC) අඛණ්ඩව ක්රියාත්මක නොකර අතරමැද විවේකයක් ලබා දෙන්න.
