ආර්ථික ප්රතිසංස්කරණ සහ ප්රතිපත්ති නවෝත්පාදනය පිළිබඳ සාකච්ඡා සඳහා විපක්ෂ නායක සජිත් ප්රේමදාස ජාත්යන්තරව පිළිගත් ආර්ථික විද්යාඥ එලේනා පැනරිටිස් හමුවිය.
ඒ, කොළඹ විපක්ෂ නායක කාර්යාලයේ දී
මෙම රැස්වීම අතරතුර, හිටපු ලෝක බැංකු ආර්ථික විද්යාඥවරියක් සහ ග්රීක පාර්ලිමේන්තුවේ හිටපු සාමාජිකාවක් වන පැනරිටිස්, රටවල් කිහිපයක ආයතනික ප්රතිසංස්කරණ, ආර්ථික ප්රතිව්යුහගතකරණය සහ සංවර්ධන ප්රතිපත්ති පිළිබඳ තම අත්දැකීම් බෙදා ගත්තා ය. ශ්රී ලංකාවේ දිගුකාලීන වර්ධනයට සහාය වීම සඳහා පාලන පද්ධති ශක්තිමත් කිරීම, ආර්ථික ස්ථාවරත්වය වැඩිදියුණු කිරීම සහ ප්රායෝගික ප්රතිපත්ති විසඳුම් අනුගමනය කිරීමේ වැදගත්කම පිළිබඳ ව මෙම සාකච්ඡාවේ දී දෙපාර්ශ්වය අතර මුඛය වශයෙන් අවධානය යොමු කළේ ය.
ජනතාවට සමාජ ආරක්ෂාව සහතික කරන අතර ම ශ්රී ලංකාවට තිරසාර ආර්ථික ප්රකෘතියක් ලබා ගැනීමට උපකාරී වන ගෝලීය වශයෙන් පරීක්ෂා කරන ලද ප්රතිපත්ති ප්රවේශ ගවේෂණය කිරීමේ අවශ්යතාව මෙහි දි විපක්ෂ නායක සජිත් ප්රේමදාස අවධාරණය කළේය. ආර්ථික අර්බුද කළමනාකරණය කිරීමේ සහ විනිවිද පෙනෙන ආයතන ගොඩනැගීමේ ජාත්යන්තර අත්දැකීම් ද මෙම රැස්වීමේ දී සමාලෝචනය කළේ ය.
විනිවිදභාවය, වගවීම සහ කාර්යක්ෂම රාජ්ය සේවා සැපයීම සහතික කරන අතර ම, මූල්ය විනය සමාජ සුභසාධනය සමග සමතුලිත කරන ජනතාව කේන්ද්ර කර ගත් ආර්ථික ප්රතිපත්ති ක්රියාත්මක කිරීමේ වැදගත්කම පිළිබඳව ද දෙපාර්ශ්වය ම මෙහි දී සාකච්ඡා කළහ. අනාගත සංවර්ධනය සඳහා ස්ථාවර පදනමක් නිර්මාණය කරමින්, වඩාත් අවදානමට ලක්විය හැකි අය ආරක්ෂා කරන ප්රතිසංස්කරණ ක්රියාවලියකට ශ්රී ලංකාව ගමන් කළ යුතු බව ද වැඩිදුරටත් අදහස් දක්වමින් විපක්ෂ නායක සජිත් ප්රේමදාස සඳහන් කළේය.
