දරුවන්ගේ මොළයේ වර්ධනය 70%ක් සිදු වන්නේ උපතේ සිට පෙරපාසල් සමයේ වුව ද මේ මුල් ළමා විය අප රටේ නිදහස් නිවහල් නොවන බැවින් පෙරපාසල දරුවන් ගේ පෝෂණ මට්ටම් පිලිබඳ ජාතික වැඩසටහනක් අවශ්ය යැයි විපක්ෂ නායකවරයා පැවසී ය.
ඔහු මෙම අදහස් පළ කළේ ඊයේ (08) පාර්ලිමේන්තුවේ දී ය.
එම අවස්ථාවේ දී වැඩි දුරටත් අදහස් දැක්වූ විපක්ෂ නායකවරයා...
''අද වන විටත් කාලයක් පුරාවටම අප රටේ පෙරපාසල අධ්යාපනය ක්රියාත්මක වන්නේ අවිධිමත් හා නියාමන පද්ධතියක් හෝ ජාතික ප්රතිපත්තියක් නොමැතිව යි. එය වාණිජ කරණයට ලක්විම නිසා දරුවන්ගේ අධ්යාපන අයිතිය උල්ලංඝනය වී තිබෙනවා. ගාස්තු අවධිමත් ආකාරයට අය කිරීම නිසා අපහසුතාවට පත්ව තිබෙනවා. ඊට අමතරව ඉගැන්වීම් කටයුතු කරන ගුරුවරියන් හා පාලිකාවන්ට ලැබෙන දීමනා ද අඩු නිසා ඒ අයට ආර්ථික රැකවරණය ද අහිමි වෙලා. ඒ නිසා ඔවුන් ද බහුවිධ ප්රශ්න අභියෝග රැසකට මුහුණ දී සිටිනවා. එබැවින් පෙරපාසල් සම්බන්ධයෙන් ජාතික ප්රතිපත්තියක් අනුගමනය කර පළාත් සභාවලට අවශ්ය ආකාරයට ප්රඥප්ති නිර්මාණය කිරීමට ඉඩ නොදිය යුතු යි.''
