ශ්‍රී ලංකා විවෘත විශ්වවිද්‍යාලයේ නව උපකුලපතිවරයා ලෙස ජ්‍යෙෂ්ඨ මහාචාර්ය පී.එම්.සී තිලකරත්න පත් කර ඇත.
මෙම පත්වීම ජූනි මස 23 වැනිදා සිට බලපැවැත්වෙන පරිදි ලබාදී තිබේ. ජ්‍යෙෂ්ඨ මහාචාර්ය පී.එම්.සී තිලකරත්න උපකුලපති ධුරය සඳහා තේරී පත්වූ දෙවැනි අවස්ථාව මෙය වන අතර ඒ මහතා 2021 වසරේදීද විවෘත විශ්වවිද්‍යාලයේ උපකුලපති ධුරය දරා ඇත.
ජනාධිපති රනිල් වික්‍රමසිංහ මෙම පත්කිරීම සිදුකර තිබේ.
ගිණුම්කරණය පිළිබඳ ජ්‍යෙෂ්ඨ මහාචාර්යවරයෙක් වන පී.එම්.සී තිලකරත්න කැලණිය විශ්වවිද්‍යාලයේ දුරස්ථ හා අඛණ්ඩ අධ්‍යාපන කේන්ද්‍රයේ අධ්‍යක්ෂවරයා ලෙසද කටයුතු කර තිබිණි.