සුඩානයේ පවතින ගැටුම්කාරී තත්ත්වය හේතුවෙන් ඉවත් කළ සුඩාන ජනරජයේ පදිංචිව සිටි ශ්රී ලාංකිකයින් 14 දෙනා අද (අප්රේල් 30) බණ්ඩාරනායක ජාත්යන්තර ගුවන්තොටුපළ වෙත පැමිණ තිබේ.
විදේශ කටයුතු අමාත්යංශයේ කොන්සියුලර් අංශයේ අධ්යක්ෂ ජනරාල් සිසිර සෙනවිරත්න විසින් ඔවුන් ගනු ලැබ ඇති අතර විදේශ කටයුතු අමාත්යංශයේ සම්බන්ධීකරණ සහ සෞදි අරාබි රජයේ සහය ඇතිව ඔවුන් ඉවත් කර ගැනීමට පහසු වී ඇති බව විදේශ කටයුතු අමාත්යංශය සඳහන් කළේ ය.
රියාද් සහ කයිරෝහි ශ්රී ලංකා තානාපති කාර්යාල සහ ජෙඩාහි ශ්රී ලංකා කොන්සල් ජනරාල් කාර්යාලය සෞදි අරාබියේ රාජකීය රජයේ සහ ඉන්දීය රජයේ බලධාරීන් සමග එක්ව කාර්ටූම්හි වෙසෙන ශ්රී ලාංකිකයන් බේරා ගැනීමට කටයුතු කරමින් සිටියි.
ඒ සඳහා නයිරෝබිහි ශ්රී ලංකා මහ කොමසාරිස් කාර්යාලය සහ මස්කට්හි ශ්රී ලංකා තානාපති කාර්යාලය ද සහය ලබා දී තිබේ.
විදේශ කටයුතු අමාත්යංශය සුඩාන ජනරජයේ තත්ත්වය අඛණ්ඩව අධීක්ෂණය කරන අතර තවමත් සුඩාන ජනරජයේ සිටින ශ්රී ලාංකිකයන් නැවත ගෙන්වා ගැනීම සඳහා ඉල්ලීමක් කළහොත් සහය වීමට සූදානමින් සිටින බව ප්රකාශ කර ඇත.
