මෙරට සියලු පාරිභෝගිකයන්ට සති දෙකක් ඇතුළත රුපියල් 55කට අඩුවෙන් බිත්තර ලබාගැනීමේ වැඩපිළිවෙළක් සකස් කර ඇති බව, බිත්තර නිෂ්පාදකයින්ගේ සංගමය පවසයි.
එසේම රෝහල් සඳහා සහන මිලට බිත්තර ලබාදීමේ වැඩසටහනක් ක්‍රියාත්මකය.
ඊයේ සහ අද වයඹ පළාතේ සිට කොළඹ දිස්ත්‍රික්කයට බිත්තර ලක්ෂ 10ක් රැගෙන විත් තිබේ. සෑම ආර්ථික මධ්‍යස්ථානයකටම ඒවා බෙදා හැරීමට නියමිතය. ඒ බිත්තරයක් රුපියල් 53ක මිලකටය.
රිජ්වේ ආර්යා ළමා රෝහලට අද(07) සිට දින 10ක කාලයක් නොමිලේ බිත්තර ලබා දෙන බව බිත්තර නිෂ්පාදකයින්ගේ සංගමය සදහන් කරයි.