රට ගැන සිතා උද්ඝෝෂණ අවුරුද්දකට හෝ දෙකකට නවත්වන්නැයි රටේ සියලුම සියලුම පුරවැසියන්ගෙන් ඉල්ලීමක් කරන බව පාර්ලිමේන්තු මන්ත්‍රී කුමාර වෙල්ගම ඉල්ලා සිටියි.
ඔහු මේ බව සඳහන් කර සිටියේ අද (23) පාර්ලිමේන්තුවේදී පැවති ජනාධිපති කාර්යාලය සහ අගමැති කාර්යාලය ඇතුළු ආයතන 25 ක වැය ශීර්ෂ පිළිබඳ අයවැය කාරක සභා විවාදයට එක්වෙමිනි.
උද්ඝෝෂණ කර රටක් දියුණු කළ නොහැකි බව එහිදී අවධාරණය කළ මන්ත්‍රීවරයා , "රටට සංචාරකයෝ පැමිණිය හොත් පමණයි ඩොලර් එන්නේ. නැත්නම් ඩොලර් නැහැ. උද්ඝෝෂණ තියෙනකොට සංචාරකයෝ එන්නේ නෑ" යැයිද පැවසීය.
රාජ්‍ය ආයතනවල සේවක සංඛ්‍යාව වැඩිවීමට මේ සභාවේ මන්ත්‍රීවරුන් සියලු දෙනා වගකිවයුතු බවත් තමාද කලුතර අය රජයේ රැකියාවලට දැමූ බවත් මන්ත්‍රීවරයා සඳහන් කළේය.