Language Switcher

V2025

ඉන්ධන මිල යළි ඉහළ යද්දී බත් පැකට්ටුවත් ගණන් උස්සයි

ඉන්ධන ගාස්තු අද (23) මධ්‍යම රාත්‍රීයේ සිට යළිත් වරක් ඉහළ දමා ඇත.

ඔක්ටේන් 92 වර්ගයක පෙට්‍රල් ලීටරයක් රුපියල් 83/-කින්ද ඔක්ටේන් 95 වර්ගයක පෙට්‍රල් ලීටරයක් රුපියල් 77/-කින්ද ඉහළ දමා ඇතැයි වාර්තා වේ.

ඔටෝ ඩීසල් ලීටරයක් රුපියල් 111/-කින්ද සුපිරි ඩීසල් ලීටරයක් රුපියල් 116/-කින්ද ඉහළ දමා ඇති අතර ඒ අනුව රුපියල් 289/-ක්ව පැවැති ඔටෝ ඩීසල් ලීටරයක නව මිල රුපියල් 400/-ක් වන අතර රුපියල් 329/-ක්ව පැවැති සුපිරි ඩීසල් ලීටරයක නව මිල රුපියල් 445/-ක් වන බව වාර්තා වේ.

පසුගිය අප්‍රේල් මස 19 වැනිදා අවසන් වරට ඉන්ධන මිල ඉහළ දැමු අතර මාසයකට ආසන්න කාලයකින් අනතුරුව ඉන්ධන මිල මෙලෙස නැවත වරක් ඉහළ දමා ඇත.

 බත් පැකට්ටුවත් ගණන් උස්සයි
 
මෙසේ  ඉන්ධන මිල යළි ඉහළ යද්දී  බත් පැකට්ටුවක සහ කොත්තුවක මිල අද(24) සිට ක්‍රියාත්මක වන පිරිදි 10% කින් ඉහළ දමා තිබේ.

ආපන ශාලා හිමියන්ගේ සංගමයේ සභාපති, අසේල සම්පත් මහතා සඳහන් කළේ, ආපන ශාලාවල අනෙකුත් ආහාරවල මිල ගණන් වැඩි කිරීමක් සිදුනොකරන බවය.