පාරිභෝගිකයාට සහන සැලසීම සඳහා ගෑස් මිල සූත්රයක් හඳුන්වා දෙන ලෙස පොදු ව්යාපාර පිළිබඳ පාර්ලිමේන්තු කාරක සභාව (කෝප්) විසින් ලිට්රෝ සමාගමේ නිලධාරීන්ට නිර්දේශ කර ඇත .
ලෝක වෙළෙදපොළේ ගෑස් මිලට සාපේක්ෂව මෙරට ගෑස් මිල ඉහළ දැමුවද එම වෙළෙදපොළේ මිල අඩුවීමේදී එහි වාසිය පාරිභෝගියාට නොලැබෙන බවත් කෝප් කමිටුව එහිදී පෙන්වාදී තිබේ.
පාරිභෝගිකයන්ට මෙන්ම ගෑස් සමාගමේ පැවැත්මටද අතිශය වැදගත් බැවින් මිලසූත්රයක් කඩිනමින් හඳුන්වාදීම වැදගත් බව ලිට්රෝ සමාගමේ ප්රධානීන් ද එහිදී පිළිගෙන ඇත.
එසේම වත්මන් අර්බුදය පැවති ආණ්ඩුවේ වැරදි ආර්ථික ප්රතිපත්ති නිසා සිදුවූවක් බව ලිට්රෝ සමාගමේ ඉහළ පෙළේ නිලධාරීන් පැවසීමත් විශේෂය.
