ශ්‍රිලංකාවේ හදිසි ආර්ථික අභියෝගවලට තිරසාර විසදුම් සෙවීමට එක්සත් ජනපදයට සහ ශ්‍රිලංකාවට එකට ක්‍රියාකල හැකි ක්‍රම පිළිබඳව හිටපු අගමැති රනිල් වික්‍රමසිංහ සමග සාකච්ඡා කල බව ශ්‍රිලංකාවේ නව ඇමරිකනු තානාපතිනි Julie Chung පවසයි.
යහපත් ප්‍රජාතන්ත්‍රවාදයක් වෙනුවෙන් විරුද්ධ මතවාද සමග විචිත්‍රවත් දේශපාලනයක් තිබිය යුතු බවද ඇය පවසන බවත් වාර්තා වෙයි.
කොලඹ කොල්ලුපිටිය පස්වන පටුමගෙ පිහිටි හිටපු අග්‍රාමාත්‍ය රනිල් වික්‍රමසිංහගෙ පෞද්ගලික නිවසෙදි පැවති මෙම සාකච්ඡාවෙදි ශ්‍රිලංකාවේ වත්මන් ආර්ථික අර්බුද පිලිබදව වැඩි අවධානයක් යොමුවු බවත් දැනගන්නට ඇත.