සමගි ජනබලවේගය පක්ෂයේ කෝට්ටේ පිහිටි ප්‍රධාන කාර්‍යාලය වෙත අද (07) බිත්තර ප්‍රහාරයක් එල්ල කර ඇති බව වාර්තා වෙයි.
මෙම බිත්තර ප්‍රහාරය එල්ල කර ඇත්තේ , සජබට එරෙහිව ආණ්ඩු හිතවාදී පිරිසක් ප්‍රධාන කාර්‍යාලය ඉදිරිපිට විරෝධතාවක් දියත්කර තිබූ අවස්ථාවේ ය.
මෙම ආණ්ඩු හිතවාදී උද්ඝෝෂකයන් පිරිස පාර්ලිමේන්තු මන්ත්‍රී මධුර විතානගේ ගේ මූලිකත්වයෙන් පැමිණ ඇති බවත් වාර්තා වෙයි.
මේ අතර හිටපු පාර්ලිමේන්තු මන්ත්‍රීනී, හිරුණිකා ප්‍රේමචන්ද්‍ර තවත් කාන්තාවන් පිරිසක් සමග ජනාධිපති ගෝඨාභය රාජපක්ෂ ගේ මිරිහානේ නිවස ඉදිරිපිට විරෝධතාවක් පැවැත්වීමෙන් පසුව එදිනම රාත්‍රියේ ඇයගේ නිවස ඉදිරිපිටට රැස්වූ ආණ්ඩුව හිතවාදී පිරිසක් විරෝධතාවක් පැවැත්වූහ.
මේ සම්බන්ධයෙන් අදහස් දක්වමින් දේශපාලන විචාරකයන් පවසන්නේ ආණ්ඩුවට ඇති ජනතා අප්‍රසාදය මෙවැනි කටයුතු හේතුවෙන් තවදුරටත් වර්ධනය වන බවයි.
ඒ හැර මෙවැනි ක්‍රියා හේතුවෙන් කිසියම් හෝ ජනප්‍රියත්වයක් ජනතාව වෙතින් ලැබීමට හැකිවෙතැයි මේවායේ සංවිධායකයන් සිතනවා නම්, ඒ සිහිවිකල් වූ උම්මත්තක ජන පිරිසක මිස, සිහිබුද්ධිය යහපත් ජනතාවගේ නොවන බවත් දේශපාලන විචාරකයන් පෙන්වා දෙයි.