ඉකුත් ලොක්ඩවුන් සමයේ ජනතාවට රුපියල් 5,000 දීමනාව ලබා දීමට රජය විසින් සමෘද්ධි බැංකුවෙන් ලබාගත් බිලියන 50න්, බිලියන 42ක් තවමත් ලබා දී නොමැති බව වාර්තා වෙයි.
සමස්ථ ලංකා සමෘද්ධි සංවර්ධන හා කෘෂි පර්යේෂණ නිළධාරී සංගමය මේ සම්බන්ධයෙන් චෝදනා කරන අතර එහි ප්‍රධාන ලේකම් ආණ්ඩුව නියෝජනය කරන මන්ත්‍රීවරයකු වන එස්.ඒ.ඩී. ජගත් කුමාර ය.
ඒ අනුව පාර්ලිමේන්තු මන්ත්‍රී එස් ඒ ඩී ජගත් කුමාර පැවසුවේ එම මුදල මෙතෙක් නොලැබිම සමෘද්ධි බැංකුවේ කටයුතුවලට බාධාවක් වී ඇති බවයි.