මිල්කෝ සමාගමේ හිටපු සභාපති ලසන්ත වික්‍රමසිංහ ලංකා පොහොර සමාගමේ සභාපති ධූරය භාරනොගැනීමට තීරණය කර ඇති බව වාර්තා වෙයි.
ලංකා පොහොර සමාගමේ සභාපති ධූරයට තමන් පත්කළ බව මුදල් අමාත්‍යංශයේ ලේකම් එස්. ආර්. ආටිගල ලිපියක් යොමුකර තිබූ බව පවසා ඇති ඔහු නොවැළැක්විය හැකි හේතුවක් මත එම සභාපති ධූරය බාරගත නොහැකි බව ලිපියක් මගින් ලේකම්වරයාට දැනුම් දුන් බව ද පවසා ඇත.
මේ බව ලංකාදීප පුවතක සඳහන් අතර මිල්කෝ ආයතනයේ සභාපති ධූරයෙන් ඔහුව ඉවත්කර ඇති බව ලසන්ත වික්‍රමසිංහ දැනගෙන තිබුණේ මාධ්‍ය වාර්තා හරහා ය. එහිදී ඔහුව ඉවත්කර පොදුජන පෙරමුණේ පාලක ලේකම් රේණුක පෙරේරා පත්කර තිබිණ.