දේශපාලන පක්ෂ සමග සන්ධානගතවීමකට ජනතා විමුක්ති පෙරමුණේ සූදානමක් නැතැයි එම පක්ෂයේ ප්‍රචාරක ලේකම් විජිත හේරත් පවසයි.
ජනතා විමුක්ති පෙරමුණ සමග සන්ධානගතවීමට සුදානම් බවට ශ්‍රී ලංකා නිදහස් පක්ෂයේ මහලේකම් රාජ්‍ය අමාත්‍ය දයාසිරි ජයසේකර පෙරේදා සිදුකළ ප්‍රකාශයට පිළිතුරු ලබාදෙමින් ජවිපෙ ප්‍රචාරක ලේකම්වරයා ඊයේ මේ බව අවධාරණය කළේය.
නිදහස් පක්ෂ මහලේකම්වරයාගේ යෝජනාවට ස්තූතිය පුදන බවත්, එහෙත් වෙනත් දේශපාලන පක්ෂ සමග සන්ධානගත වීම සම්බන්ධයෙන් කිසිදු තීරණයක් මේ දක්වා ගෙන නොමැති බවත් පවසන ජවිපෙ ප්‍රචාරක ලේකම්වරයා, එහෙත් වෙනත් පක්ෂවල දුෂිතයින් නොවන පුද්ගලයින් ඒකරාශිකර ගැනීමට සුදානම් බවද කියා සිටියේය.