නිවාස තුනක් එක් කර සෑදූ නිවෙසක තමන් සිටින බවට අමාත්ය මහින්දානන්ද අලුත්ගමගේ විසින් කරන ලද ප්රකාශය ඔප්පු කළහොත් තමන් පාර්ලිමේන්තු මන්ත්රීධූරයෙන් ඉල්ලා අස්වන බව ශ්රී ලංකා නිදහස් පක්ෂයේ නායක , හිටපු ජනාධිපති, මෛත්රීපාල සිරිසේන පවසයි.
ඔහු මේ අදහස් දක්වා සිටියේ මහින්දානන්ද අළුත්ගමගේ ඇමැතිවරයා විසින් කරන ලද ප්රකාශයකට අද (11) පාර්ලිමේන්තුවේදී ප්රතිචාර දක්වමින් ය.
තමාට මේ වන විට සිටින නිවස ලැබුණේ කෙහෙළිය රඹුක්වැල්ල ඇමැතිවරයාගෙන් බවත්, තමා පාවිච්චි කළ නිවෙස තමා හිටපු ජනාධිපති මහින්ද රාජපක්ෂට ලබාදුන් බවත් ඔහු එහිදී පැවසීය.
තමන් විස්කි බිබි කළ බව කියන සාකච්ඡාවක් ගැනද අලුත්ගමගේ අමාත්යවරයා පවසා ඇතැයිද කියු හිටපු ජනාධිපති තමන් මත්පැන් සිගරට් බොන අයකු නොවන බවත් පැවසීය.
