ජනාධිපති ගෝඨාභය රාජපක්ෂ අද (17) අලුයම විදෙස් ගතව ඇති බව වාර්තා වන අතර අගමැති මහින්ද රාජපක්ෂ ද මේ වන විට ඉතාලියේ සංචරයක නිරතව සිටියි.
ඒ අනුව මේ වන විට රටේ ප්‍රධානියා වන්නේ කතානායක මහින්ද යාපා අබේවර්ධනය.
මේ අතර ජනාධිපති ගෝඨාභය රාජපක්ෂ ගේ විදෙස් සංචාරය සම්බන්ධයෙන් ජනාධිපති මාධ්‍ය අංශය සඳහන් කරන්නේ ඇමරිකාවේ දී පැවැත්වෙන 76 වන එක්සත් ජාතීන්ගේ මහා මණ්ඩල සැසිවාරයට සහභාගීවීම සඳහා මෙසේ පිටත්ව ගිය බවයි.
එළඹෙන 21 වෙනිදා මෙම සමුළුව ඇමරිකාවේ නිවුයෝක් නගරයේදී ආරම්භ වෙයි.
මෙම සමුළුවේ දී ජනාධිපතිවරයා තවත් රාජ්‍ය නායකයන් කිහිපදෙනෙකු සමඟ ද්විපාර්ෂික සාකච්ඡා පැවැත්වීමටද නියමිතව ඇති බවත් පැවසෙයි.
